कांदिवलीच्या कपोल विद्यानिधी शाळेमध्ये आज सकाळी प्रार्थनेनंतर अजान लावली गेल्याने वाद निर्माण झाल्याचं समोर आले. विद्यार्थ्यांची प्रार्थना सुरू असताना आजान लावल्यानंतर या विरोधात काही पालकांनी शाळेच्या या कृती विरोधात आवाज उठवला आहे.

तर शिवसेनेकडून शाळेने आजान लाऊड स्पीकर वर लावल्यानंतर पालकांच्या भावना दुखल्यामुळे या विरोधात कांदिवली पोलीस स्टेशन मध्ये तक्रार दाखल करून शाळेविरोधात गुन्हा दाखल करण्याची मागणी केली आहे.

सोबतच शाळेने अशाप्रकारे लाऊड स्पीकर अजान यापुढे लावू नये असं पत्राद्वारे लेखी स्वरूपात शिवसेनेकडून देण्यात आला आहे.

तसेच या शाळेत अजान लावल्यानं भाजपसह हिंदुत्ववादी संघटना आणि पालकांनी शाळेच्या व्यवस्थापनाविरोधात मोठं आंदोलन केलं. 

हेही वाचा : 

शाळेतच विद्यार्थ्यांकडून जय श्रीरामचा जयघोष, निलंबनानंतर मनसेचे आंदोलन

ज्या शिक्षिकेने अजान लावली होती, तिला निलंबित करण्यात आलं आल्याची माहिती शाळेकडून देण्यात आली आहे.

"आज कांदिवली येथे एका शाळेत सकाळच्या नमाजाच्या वेळी 'अजान' वाजवण्यात आल्याची तक्रार आली होती. पोलिसांनी तक्रार स्वीकारली असून चौकशी सुरू केली आहे. या प्रकरणाची सर्व बाजूंनी चौकशी केली जाईल. आवश्यक ती कारवाई केली जाईल," असे डीसीपी अजयकुमार बन्सल म्हणाले. 

नेहमीप्रमाणे विद्यार्थी सकाळी ७ च्या सुमारास शाळेत पोहोचल्याचे वृत्तात म्हटले आहे. मात्र, शाळेत नियमित नमाज वाजवण्याची जबाबदारी असलेल्या एका शिक्षकाने स्पीकरवर 'अजान' वाजवल्याचे सांगितले जाते. हे जाणूनबुजून करण्यात आल्याने तणाव निर्माण झाल्याचे आंदोलक पालकांनी सांगितले.

भाजपचे स्थानिक आमदार योगेश सागर हेही शाळेबाहेर पोहोचले आणि आंदोलक पालकांमध्ये सामील झाले. 

'अजान'वरून झालेल्या वादानंतर शाळेबाहेर झालेल्या निदर्शनेमुळे सर्व वर्ग लवकर सोडण्यात आले. या घटनेमागील शिक्षकावर कारवाई व्हावी, असे पालकांनी सांगितले.

अजान वाजवणाऱ्या शिक्षिकेला निलंबित करण्यात आल्याची माहिती शाळेच्या मुख्याध्यापिका डॉ. रेश्मा हेगडे यांनी दिली.

“शिक्षकाला निलंबित करण्यात आले असून चौकशी सुरू करण्यात आली आहे. ही एक हिंदू शाळा आहे आणि आमच्या प्रार्थनांमध्ये गायत्री मंत्र आणि सरस्वती वंदना यांचा समावेश होतो. भविष्यात अशा प्रकारची पुनरावृत्ती होणार नाही,” असे त्या म्हणाल्या. 

स्पीकर्सवर अजान वाजवणे हा महाराष्ट्रात पूर्वीपासूनच राजकीय मुद्दा राहिला आहे. महाराष्ट्र नवनिर्माण सेनेचे (मनसे) प्रमुख राज ठाकरे यांनी गेल्या वर्षी महाराष्ट्रात लाऊडस्पीकरवर अजान वाजवण्याविरोधात मोहीम सुरू केली होती. जर लाऊडस्पीकर काढले नाहीत तर त्यांचे कार्यकर्ते मशिदीबाहेर हनुमान चालीसा वाजवतील, असे मनसे प्रमुख म्हणाले होते.

हेही वाचा

कोस्टल रोड कसा घेतोय आकार! पहा फोटो

वांद्रे स्टेशन स्कायवॉकद्वारे टर्मिनलशी जोडला जाणार