देशाची आर्थिक राजधानी मुंबईसोबतच संपूर्ण महाराष्ट्रात प्लास्टिकबंदी करण्यात आली आहे. असं असलं तरी मुंबई शहर आणि उपनगरांत बिनधोकपणे प्लास्टिकच्या पिशव्यांचा वापर सुरू आहे. अशा स्थितीत प्लास्टिक बंदी १०० टक्के यशस्वी कशी करावी, याबाबतचं प्रशिक्षण घेण्यासाठी मुंबई महापालिकेच्या विधी समितीचे सदस्य सिक्कीमच्या अभ्यासदौऱ्यावर जाणार आहेत.
२३ मार्च २०१८ मध्ये अधिसूचना काढत राज्य सरकारने २००६च्या महाराष्ट्र विघटनशील आणि अविघटनशील कचरा (नियंत्रण) कायद्यांतर्गत राज्यात प्लास्टिकबंदी केली आहे. त्यानुसार ५० मायक्राॅनपेक्षा कमी जाडीच्या प्लास्टिकचं उत्पादन, विक्री, वाहतूक, साठवणुकीवर बंदी आहे.
सदस्यांची मागणी
सोमवारी महापालिका गटनेत्यांच्या बैठकीत या प्रस्तावाला महापालिका आयुक्त अजोय मेहता यांनी मंजुरी दिली. महापालिकेच्या विधी समितीत एकूण ३६ सदस्य असून सुवर्णा करंजे या समितीच्या अध्यक्षा आहेत. या सर्व सदस्यांनी प्लास्टिकबंदी संदर्भात अभ्यास दौरा करण्याची इच्छा दर्शवत महापालिकेने या दौऱ्यासाठी निधी उपलब्ध करून देण्याची मागणी केली होती. महापौरांच्या उपस्थितीत हा प्रस्ताव आयुक्तांना सादर करण्यात आला होता.
१०० टक्के प्लास्टिकबंदी
सिक्कीम या राज्यात १०० टक्के प्लास्टिकबंदी करण्यास तेथील सरकार यशस्वी झालं आहे. महापालिका आयुक्तांची मंजुरी मिळाल्यामुळे आता नगरसेवकांना सिक्कीमचा अभ्यास दौरा करता येणार आहे. तिथं जाऊन हे सर्व नगरसेवक प्लास्टिकबंदीची नियमावली आणि अंमलबजावणीची प्रक्रिया समजावून घेणार आहेत.
देशाची आर्थिक राजधानी मुंबईसोबतच संपूर्ण महाराष्ट्रात प्लास्टिकबंदी करण्यात आली आहे. असं असलं तरी मुंबई शहर आणि उपनगरांत बिनधोकपणे प्लास्टिकच्या पिशव्यांचा वापर सुरू आहे. अशा स्थितीत प्लास्टिक बंदी १०० टक्के यशस्वी कशी करावी, याबाबतचं प्रशिक्षण घेण्यासाठी मुंबई महापालिकेच्या विधी समितीचे सदस्य सिक्कीमच्या अभ्यासदौऱ्यावर जाणार आहेत.
२३ मार्च २०१८ मध्ये अधिसूचना काढत राज्य सरकारने २००६च्या महाराष्ट्र विघटनशील आणि अविघटनशील कचरा (नियंत्रण) कायद्यांतर्गत राज्यात प्लास्टिकबंदी केली आहे. त्यानुसार ५० मायक्राॅनपेक्षा कमी जाडीच्या प्लास्टिकचं उत्पादन, विक्री, वाहतूक, साठवणुकीवर बंदी आहे.
सदस्यांची मागणी
सोमवारी महापालिका गटनेत्यांच्या बैठकीत या प्रस्तावाला महापालिका आयुक्त अजोय मेहता यांनी मंजुरी दिली. महापालिकेच्या विधी समितीत एकूण ३६ सदस्य असून सुवर्णा करंजे या समितीच्या अध्यक्षा आहेत. या सर्व सदस्यांनी प्लास्टिकबंदी संदर्भात अभ्यास दौरा करण्याची इच्छा दर्शवत महापालिकेने या दौऱ्यासाठी निधी उपलब्ध करून देण्याची मागणी केली होती. महापौरांच्या उपस्थितीत हा प्रस्ताव आयुक्तांना सादर करण्यात आला होता.
१०० टक्के प्लास्टिकबंदी
सिक्कीम या राज्यात १०० टक्के प्लास्टिकबंदी करण्यास तेथील सरकार यशस्वी झालं आहे. महापालिका आयुक्तांची मंजुरी मिळाल्यामुळे आता नगरसेवकांना सिक्कीमचा अभ्यास दौरा करता येणार आहे. तिथं जाऊन हे सर्व नगरसेवक प्लास्टिकबंदीची नियमावली आणि अंमलबजावणीची प्रक्रिया समजावून घेणार आहेत.