मुंबईतील १८० ठिकाणी तुंबू शकतं पावसाचं पाणी

पावसाळ्यात मुंबईत जास्तीचा पाऊस झाल्यास मुंबईतील अनेक भागांत प्रचंड पाणी तुंबतं. समुद्राला भरती असल्यामुळं रस्त्यावर साचलेलं पाणी कमी होण्यास वेळ लागतो. त्यामुळं पाणी तुंबल्यानं प्रवाशांपासून सर्वांचेचं हाल होतात. पावसाळ्यात पाणी साचणाऱ्या भागांची दरवर्षी पालिकेकडून दखल घेतली जाते. त्याचप्रमाणं, यंदाही पावसाचं पाणी साचल्याची मुंबईतील तब्बल १८० ठिकाणं महापालिकेनं निश्चित केली आहेत.

पाणी तुंबण्याची ठिकाणं

पालिकेनं जाहीर केलेल्या १८० ठिकाणांमध्ये सर्वाधिक १५ ठिकाणे माटुंगा येथील आहेत. त्याशिवाय, मालाडमध्ये १२, भांडुपमध्ये १२, मुलुंड ११, घाटकोपर ११, कुलाबा १०, वांद्रे पश्चिम १०, चेंबूर व मानखुर्द ११, वरळी ९, दादर ७, चेंबूर पूर्व इथं ८ ठिकाणं आहेत.

ठोस उपाययोजना

पावसाळ्यात पाणी तुंबून वाहतूक कोंडी होऊ नये यासाठी मागील २ महिन्यांपासून महापालिकेचे पर्जन्य जलवाहिन्या विभाग, विद्युत आणि देखभाल विभागासह संपूर्ण प्रशासकीय यंत्रणा काम करत आहेत. तसंच, गेल्यावर्षी पाणी तुंबलेल्या ठिकाणी यंदा पाणी न तुंबण्यासाठी ठोस उपाययोजना देखील केल्या जात आहेत.

कारवाईचा निर्णय

मुंबईत पाणी तुंबू नये यासाठी नालेसफाई, मॅनहोल, पर्जन्य जलवाहिन्यांची साफसफाई, पाणी तुंबण्याची शक्यता असलेल्या ठिकाणची अतिक्रमणं हटवण्याची कामं दरवर्षी पालिकेमार्फत करण्यात येतात. तसंच पाणी तुंबणाऱ्या ठिकाणी पम्पिंग स्टेशनही बसविले जातात. मात्र, त्यानंतर देखील मुंबईत आणि उपनगरातील विविध भागांत पाणी तुंबतं. त्यामुळं पालिकेवर टीका करण्यात येते. परंतु यंदा पालिकेनं असं होऊ नये यासाठी, नाल्यांमध्ये कचरा टाकताना आढळल्यास संबंधितावर कारवाई करण्याचा निर्णय घेतला आहे.

या भागात पाणी तुंबण्याची शक्यता

हेही वाचा -

विधानसभा निवडणुकीत ईव्हीएमऐवजी मतपत्रिकांद्वारे मतदान व्हावं - प्रकाश आंबेडकर

विविध मागण्यांसाठी रिक्षा चालक-मालकांचा ९ जुलैपासून संप