चिक्कीचा प्रस्ताव बारगळ्यानंतर मुंबई महापालिकेतील शाळांच्या मुलांना भाजलेले चणे, शेंगदाणे तसेच मनुका आणि खारिक अशा मिक्स खाऊचं पाकिट देण्याचा निर्णय प्रशासनाने घेतला आहे. परंतु विद्यार्थ्यांना चणे-शेंगदाण्यांचा खाऊ देण्यावर महापौरांसह गटनेत्यांचं एकमत होऊ शकलेले नसून अखेर प्रस्ताव पुढील सभेपर्यंत राखून ठेवण्यात आला आहे.
मुंबई महापालिकेच्या शाळांमधील मुलांना पोषक आहाराबरोबरच पूरक आहार वितरण योजनेतंर्गत चिक्की निर्णय शिक्षण विभागाने घेतला होता. परंतु चिक्कीसाठी ३ ते ४ वेळा निविदा काढूनही एकही पुरवठादार पुढे न आल्यामुळे अखेर चिक्कीचा विचार महापालिकेने डोक्यातून काढून टाकला आहे.
आता या चिक्कीला पर्याय म्हणून चणे, शेंगदाणे यासह मनुका व खारिक अशाप्रकारचे खाऊ देण्याचा निर्णय घेतला आहे. याबाबतचा प्रस्ताव शिक्षण विभागाने गटनेत्यांच्या सभेपुढे मंजुरीला ठेवला होता. परंतु यावर कोणताही निर्णय गटनेत्यांच्या सभेत होऊ शकलेली नाही.
महापालिकेतील शाळांमधील मुलांना चिक्की देण्याची मागणी होत असताना, त्यासाठी कोणताही पुरवठादार पुढं येत नव्हता. त्यामुळे या चिक्कीचा पुरवठा शहर विभागासह पूर्व व पश्चिम उपगरांसाठी विभागून देऊन कंत्राट देण्याचा निर्णय घेण्यात आला होता. परंतु त्यालाही प्रतिसाद न लाभल्यामुळे आता चणे व शेंगदाणे पुरवठा करण्याचा निर्णय घेऊनही गटनेत्यांकडून याला कोणतीही मंजुरी न मिळाल्यामुळे मुलांना खरोखर हा आहार देण्यासाठी महापालिका प्रयत्नशील आहे का? असा प्रश्न पडू लागला आहे.
हेही वाचा-
महापालिका शाळांतील विद्यार्थी खाणार चणे, शेंगदाणे
Share
Tweet
