घाटकोपर- ठाणे या मेट्रो चार मार्गिकेच्या निर्माणाचे काम सध्या ठाणे शहरात सुरू आहे. या कामाचा भाग म्हणून घोडबंदर येथील ओवळा सिग्नल ते सीएनजी पंप पर्यंत मार्गिकेवर तुळई (गर्डर) टाकण्याचे काम केले जात आहे. त्यामुळे या भागात वाहतूक कोंडी होऊ नये म्हणून वाहतूक पोलिसांनी घोडबंदर मार्गावर १० ऑगस्टपर्यंत वाहतूक बदल लागू केले आहेत.
दररोज रात्री ११.५५ ते पहाटे ४ पर्यंत हे बदल लागू असतील अशी माहिती वाहतूक पोलिसांनी दिली. या भागातील हलक्या वाहनांची वाहतूकही सेवा मार्गावरून वळविण्यात आली आहे.
घाटकोपर ते ठाणे या मेट्रो चार प्रकल्पाचे काम मुंबई महानगर प्रदेश विकास प्राधिकरणाकडून (एमएमआरडीए) सुरू आहे. घोडबंदर मार्गावर काही ठिकाणी मेट्रोच्या खांबांवर तुळई ठेवण्यात येत आहे.
त्यानुसार, पुढील काही दिवस ओवळा सिग्नल ते सीएनजी पंपापर्यंतच्या भागातही खांबांवर तुळई ठेवण्याचे काम सुरू आहे. त्यामुळे ठाणे पोलिसांनी या मार्गिकेवर वाहतूक बदल लागू केले आहेत. उरण जेएनपीटीहून सुटणारी अवड वाहने गुजरात, वसईच्या दिशेने वाहतूक करण्यासाठी घोडबंदर मार्गाचा वापर करत असतात. परंतु येथे वाहतूक बदल लागू केल्याने आता अवजड वाहनांची वाहतूक भिवंडी मार्गे वळविण्यात आली आहे.
ठाणे शहरात अवजड वाहनांना रात्री ११ ते पहाटे पाच आणि दुपारी १२ ते ४ पर्यंत परवानगी आहे. त्यामुळे रात्रीच्या वेळेत उरण जेएनपीटीहीहून घोडबंदर मार्गे गुजरातच्या दिशेने वाहतूक करणाऱ्या वाहनांना खारेगाव टोलनाका मार्गे किंवा कशेळी काल्हेर मार्गे वळविण्यात आली आहे.
घोडबंदरच्या दिशेने वाहतूक करणाऱ्या हलक्या वाहनांची वाहतूक तुळई उभारण्याच्या ठिकाणी सेवा रस्त्यावरून वळविण्यात आली आहे.
असे आहेत वाहतूक बदल
अवजड वाहनांसाठी
हलक्या वाहनांसाठी
हेही वाचा
Share
Tweet
