बालसुधारगृहात कर्मचाऱ्यांचे आंदोलन

    Mumbai
    बालसुधारगृहात कर्मचाऱ्यांचे आंदोलन
    मुंबई  -  

    चिल्ड्रेन्स एड सोसायटीकडे शासनाचे दुर्लक्ष असल्याने या ठिकाणी काम करणाऱ्या कर्मचाऱ्यांना नेहमीच अनेक समस्यांचा सामना करावा लागत आहे. त्यामुळे येथील कर्मचारी संघटनेने सोमवारपासून निषेध आंदोलन सुरू केले असून, दंडाला काळी फीत बांधून कर्मचारी कामावर हजर झाले होते. या ठिकाणी काम करणाऱ्या कर्मचाऱ्यांना कधीही वेळेवर पगार मिळालेला नाही. त्यामुळे अनेकदा त्यांच्या कुटुंबियांवर उपासमारीची वेळ येते. त्यामुळे यापुढे पगार वेळेवर मिळावेत, संस्थेच्या मुख्याधिकारी पदावर नियमित नेमणूक व्हावी, तसेच विद्यमान मुख्याधिकाऱ्यांच्या मनमानी कामाची चौकशी व्हावी आणि चिल्ड्रेन्स एड सोसायटीचे शासनामध्ये विलीनीकरण व्हावे आदी मागण्यांसाठी कर्मचाऱ्यांनी हे आंदोलन सुरू केले आहे.

    आम्ही अनेकदा आंदोलन केले आहे. मात्र शासनाकडून कोणतीच दखल घेतली जात नाही. त्यामुळे यावेळेस मागण्या मान्य होईपर्यंत हे आंदोलन आम्ही सुरूच ठेवणार आहोत.

    राजेश निचिते, कर्मचारी

    Loading Comments

    संबंधित बातम्या

    © 2018 MumbaiLive. All Rights Reserved.