मुंबईकरांसाठी कोणत्याही नव्या योजना तसेच प्रकल्प हाती न घेता पुन्हा एकदा जुन्याच प्रकल्पांना गती देणारा अर्थसंकल्प मांडण्यात आला आहे. कोणतीही दरवाढ आणि करवाढ सूचित करण्यात आलेली नाही. मागील अर्थसंकल्प वास्तवदर्शी मांडणाऱ्या महापालिका आयुक्तांनी पुन्हा यंदा विशेष राखीव निधीतून २७४३.९६ कोटी रुपये इतकी रक्कम काढून खर्च भागवण्याचं ठरवलं आहे. सोबतच बेस्टला खर्चासाठी १०० कोटींची तरतूद वगळता उपक्रमाला कोणत्याही प्रकारचं अनुदान देण्यासाठी निधीची तरतूद करण्यात आलेली नाही.
महापालिकेचा अपेक्षित महसूल : २३९८५.४९ कोटी रुपये
मुंबई महापालिकेचा सन २०१८-१९चा अर्थसंकल्प महापालिका आयुक्त अजोय मेहता यांनी स्थायी समिती अध्यक्ष रमेश कोरगावरकर यांना सादर केला. ७.०२ कोटी शिलकीचा २७२५८.०७ कोटींचा हा अर्थसंकल्प आयुक्तांनी मांडला. चालू आर्थिक वर्षात २.६० कोटी शिलकीचा २५१४१.५१ कोटींचा अर्थसंकल्प मांडण्यात आला होता. त्यातुलनेत नव्या अर्थसंकल्पात २११७ कोटींनी वाढ झाली आहे.
महापालिकेच्या विद्यमान करांमध्ये तसेच दरांमध्ये कोणतीही वाढ किंवा कोणतेही नवीन कर न लादता अजोय मेहता यांनी स्थायी समितीत अर्थसंकल्प मांडला. प्रशासकीय खर्चामध्ये कार्यक्षमता आणणे आणि पायाभूत सुविधांसाठी अधिक प्रभावीपणे खर्च करण्याच्या दिशेने वाटचाल करणारा हा अर्थसंकल्प असल्याचं अजोय मेहता यांनी यात नमूद केलं आहे.
Share
Tweet
