राज्य (maharashtra) अन्न व औषध प्रशासनाने (FDA) सर्व रेस्टॉरंट, केटरर्स/हॉटेल मालक आणि फास्ट फूड आस्थापनांना निर्देश जारी केले आहेत.

1 मे पासून त्यांच्या पदार्थांमध्ये पनीर आहे की चीज ॲनालॉग आहे, हे ठळकपणे नमूद करणे आणि त्या दोन्हींमधील फरक स्पष्ट करणे आवश्यक आहे.

अन्न सुरक्षा आणि मानके विनियम, 2011 च्या नियम 2.1.1 मध्ये यावर जोर देण्यात आला आहे की, पनीर (paneer) हे केवळ दुधापासून बनवलेले उत्पादन आहे.

याउलट, डेअरी ॲनालॉग (दुग्धजन्य पदार्थ) खाद्य तेल, स्टार्च, इमल्सिफायर आणि इतर घटकांचा वापर करून बनवला जातो. तो दिसायला पनीरसारखा असला तरी, तो पनीर नसतो.

एफएसएसएआय (FSSAI) च्या मानकांनुसार, त्याचा समावेश 'चीज ॲनालॉग' या श्रेणीत होतो.