भारतीय संस्कृतीत रांगोळीला विशेष महत्त्व आहे. सणावाराला रांगोळीची सजावट विशेष लक्षवेधी आणि मोहक असते. गणेशोत्सवात (ganesh festival) विविध रंगाच्या, आकाराच्या आणि शैलीच्या रांगोळ्या जनमानसाचे लक्ष वेधून घेत असतात.

मुलुंड (mulund) मधील प्रसिध्द गणेश मूर्तीकार मोहनकुमार दोडेचा यांनी यावर्षी देखील पस्तीस किलो साबुदाण्यापासून गणपतीची रांगोळी (rangoli) साकारली आहे. पाच फूट रुंद आणि सहा फूट लांब अशी ही रांगोळी असून 14 सप्टेंबरपासून ती नागरिकांना पाहता येणार आहे.

दोडेचा यांनी 1961 पासून आशा प्रकारच्या रांगोळ्या तयार करण्यास सुरुवात केली. त्यांनी तयार केलेली रांगोळी पाहण्यासाठी दरवर्षी हजारोंच्या संख्येने नागरिक येतात. त्यांनी साकारलेल्या रांगोळ्या विशेष लक्षवेधी असतात.