यात्री अॅपवरून लोकलचे लाइव्ह लोकेशन कळू शकणार

एम-इंडिकेटर प्रमाणेच आता मध्य रेल्वेचे प्रवाशी लवकरच यात्री अॅपवर लोकल गाड्यांचे लाइव्ह लोकेश ट्रॅक करू शकतील. बेलापूर-खारकोपर अप आणि डाऊन मार्गावर नुकत्याच याच्या क्षेत्रीय चाचण्या यशस्वीपणे पार पडल्या.

एका वरिष्ठ अधिकाऱ्यानं पत्रकारांशी बोलताना सांगितलं की, “आम्ही हे एकत्रीकरण टप्प्याटप्प्यानं सुरू केलं आहे. आता, आम्ही इतर मार्गांसाठी (मध्य, हार्बर, ट्रान्स-हार्बर आणि उरण) आम्ही ही सेवा उपलब्ध करणार आहोत आणि येत्या काही महिन्यांत त्याची घोषणा केली जाईल.

मुंबई विभागानं गेल्या वर्षी लाँच केलेल्या या अॅपचा प्रवाशांना फायदा होणार आहे आणि अहवालानुसार, एक लाखाहून अधिक लोकांनी अॅप डाउनलोड केलं आहे, ज्यामुळे प्रवाशांना माहिती मिळेल.

• उपनगरीय गाड्या आणि स्थानकांची माहिती देण्यासाठी प्रवाशांना उपयुक्त
• स्थानांचे रिअल-टाइम ट्रॅकिंग
• ट्रेन लाइव्ह अपडेट्स आणि घोषणांबद्दल प्रामाणिक माहिती
• अचूक स्टेशन सुविधा
• मुंबई मेट्रो आणि मोनोरेल या एक्स्प्रेस गाड्यांची माहिती
• प्रवासी पीएनआर स्थिती तपासू शकतात

हे कसं काम करतं?

लोकल ट्रेनचे वास्तविक-वेळेचे स्थान मिळवण्यासाठी इन-हाऊस अल्गोरिदम विकसित केला आहे. हे विशिष्ट ट्रेनच्या वर्तमान स्थानाविषयी सर्व आवश्यक माहिती गोळा करते आणि तीच अॅपमध्ये प्रदर्शित केली जाते, जी दर ३० सेकंदांनी रीफ्रेश होते.

यात्री अॅपच्या तांत्रिक टीमच्या सदस्यानं सांगितलं की, वापरकर्ते ते मॅन्युअली अपडेट करण्यासाठी रिफ्रेश बटणावर क्लिक करू शकतात.

यापूर्वी ६ मार्च रोजी मुंबई विभागाच्या वार्षिक तपासणीदरम्यान मध्य रेल्वेचे महाव्यवस्थापक अनिल कुमार लाहोटी यांनी यात्री अॅप बूथला भेट दिली होती.

बूथवर उपस्थित असलेल्या यात्री अॅपच्या तांत्रिक टीमनं त्यांना लोकल ट्रेनच्या लाइव्ह लोकेशन्सचे रिअल-टाइम ट्रॅकिंगचे प्रात्यक्षिक दिले होते. अॅपच्या रिअल टाइम मॉनिटरिंग क्षमतेव्यतिरिक्त, टीमनं यात्री अॅपची इतर अनेक वैशिष्ट्ये देखील प्रदर्शित केली होती.