कमला मिल कंपाऊंडमधील 'वन-अबोव्ह' आणि 'मोजोस ब्रिस्टो' या पब्सला लागलेल्या आगीप्रकरणी पब मालकांवर कारवाई करण्यात येत असून त्यांच्यासोबत जबाबदार असणाऱ्यांवर गुन्हे दाखल करण्यात येतील, असं मुख्यमंत्री देवेंद्र फडणवीस यांनी जाहीर केलं आहे. याबरोबरच कंपाऊंडमधील बांधकामे आणि पब्सना परवानग्या देण्याबाबत महापालिका अधिकाऱ्यांनी जाणूनबुजून निष्काळजीपणा दाखवला असेल, तर त्यांच्यावर फौजदारी गुन्हा दाखल केला जाईल. सोबतच ही सर्व अनधिकृत बांधकामे तात्काळ पाडून टाकण्यात येतील, असंही मुख्यमंत्र्यांनी स्पष्ट केलं.
5officials have been already suspended but beyond that if they or owners are found responsible for loss of lives,they will be booked under IPC.Guilty won’t be spared.
— CMO Maharashtra (@CMOMaharashtra) December 29, 2017
Ordered for safety audit of all such structures immediately&demolish illegal ones:CM @Dev_Fadnavis at #KamlaMills pic.twitter.com/T5mG8aK4ZW
कमला मिल कंपाऊंडमधील घटनास्थळी मुख्यमंत्री देवेंद्र फडणवीस यांनी भेट देत पाहणी केली. कमला मिल कंपाउंडमधील बांधकामांचे युद्धपातळीवर ऑडिट करण्यात येईल. या पाहणीत जर कंपाऊंडमध्ये अनधिकृत बांधकामं आढळल्यास ती तात्काळ पाडली जातील, असंही मुख्यमंत्र्यांनी जाहीर केलं. या घटनेची चौकशी करण्यासाठी अजोय मेहता यांची नियुक्ती करण्यात आली आहे. हॉटेल मालकांवर कारवाई होणारच, असं त्यांनी स्पष्ट केलं.
मुंबईत काही संशयित बांधकामं आहेत, त्याचं ऑडिट करण्याचे आदेश महापालिकेला दिले आहेत. तसंच जे हॉटेल्स विनापरवाना चालत असतील, त्यांना पाडून टाकलं पाहिजे, असंही ते म्हणाले.
हेही वाचा-
कमला मिल आग: महापालिकेच्या ५ अधिकाऱ्यांचं निलंबन
कमला मिल आग: मुख्यमंत्र्यांचे चौकशीचे आदेश