महालगर गॅस (MGL) ने सांगितले की, रविवारी मुख्य पाइपलाइनला झालेल्या नुकसानीमुळे आर्थिक राजधानी मुंबईतील CNG पुरवठा बाधित झाला.

MGL पुरवठा करणाऱ्या CNG वर मुंबईतील बहुतांश ऑटोरिक्षा आणि टॅक्सीज धावतात. ज्यात ओला आणि उबर सारख्या कंपन्यांच्या कॅब्सचाही समावेश आहे. काही सार्वजनिक वाहतूक उपक्रमांच्या बसही CNG वर चालतात.

तथापि, गॅस वितरण कंपनीने सांगितले की घरगुती ग्राहकांना प्राधान्य देऊन PNG (पाइप्ड नॅचरल गॅस) पुरवठा अखंड ठेवला जाईल.

मुंबई महानगर प्रदेशात (MMR) सोमवारी आठवड्याच्या पहिल्याच दिवशी रस्ते वाहतूक मोठ्या प्रमाणात विस्कळीत झाल्याचं पाहायला मिळालं. रविवारी दुपारी चेंबूर येथील राष्ट्र केमिकल्स अँड फर्टिलायझर्स (RCF) प्लांटमधील मुख्य गॅस पाइपलाइनला नुकसान झाल्याचे समोर आले.

वडाळा स्टेशनला जाणारा MGL चा पुरवठा पूर्णपणे बंद झाला. यामुळे MMR मधील सर्व 486 CNG पंपांचे कामकाज अचानक थांबले.

या व्यत्ययाचा परिणाम असा झाला की ऑटो, टॅक्सी, बस, उबर-ओला सारख्या अॅग्रीगेटर कॅब्ज आणि CNG वर चालणाऱ्या 5 लाखांहून अधिक खासगी वाहनांवर परिणाम झाला. दुरुस्ती आणि पुरवठा पुनर्संचयित होण्यासाठी वेळ लागला. त्यामुळे ही अडचण सोमवार सकाळपर्यंतही सुरू राहण्याची शक्यता आहे.

काही CNG पंपांबाहेर ऑटोची लांबलचक रांग दिसली. भांडुपमधील एका ऑटोचालकाने ET ला सांगितले, "गाडी चालवता येत नाही, खूप त्रास होतोय."

एका टॅक्सी अॅग्रीगेटर चालकाने सांगितले की त्याला पेट्रोलवर गाडी भरण्याची वेळ आली.
तो म्हणाला, "अनेक कॅब्स फक्त CNG वर चालतात. त्या बंद पडल्या आहेत."

मुंबई रिक्शामेन युनियनचे नेते थंपी कुरियन म्हणाले,
"दोन दिवस ऑटो रस्त्यावरून हटवू शकत नाही. यामुळे हजारो चालकांचा उदरनिर्वाह धोक्यात येईल. शहरात दररोज जवळपास 3 लाख ऑटो धावतात."

MGL चे आवाहन

MGL ने औद्योगिक आणि व्यावसायिक ग्राहकांना पर्यायी इंधन वापरण्याचे आवाहन केले आहे.

त्यांनी म्हटले,
"घरगुती PNG (कुकिंग गॅस) पुरवठा प्राधान्याने आणि अखंडित सुरू ठेवत आहोत. मात्र मुंबई, ठाणे आणि नवी मुंबई येथील CNG पंप सार्वजनिक वाहतूक उपक्रमांसाठी असलेले पंपही चालू राहू शकणार नाहीत..."

हेही वाचा

मुंबईत वाढते ओझोन प्रदूषण

जे. जे. रुग्णालयाच्या विस्तारासाठी सहा एकर जागेची मागणी