नवीन सुविधांअंतर्गत नागरिकांना ऑनलाइन पद्धतीने खालील सेवा मिळणार आहेत:
नवजात बालकाचे नाव जन्म प्रमाणपत्रात समाविष्ट करणे
नवीन CRS पोर्टलवर नोंद असलेल्या जन्म आणि मृत्यू दाखल्यांमधील त्रुटी दुरुस्त करणे
जुन्या जन्म-मृत्यू दाखल्यांचे QR कोड असलेल्या नवीन प्रमाणपत्रात रूपांतर
विवाह प्रमाणपत्रातील दुरुस्ती
अर्जाच्या स्थितीची (Application Status) ऑनलाइन माहिती
यामुळे अर्जाच्या पाठपुराव्यासाठी नागरिकांना आता वैद्यकीय अधिकाऱ्यांकडे वारंवार जाण्याची गरज भासणार नाही.
नवीन संगणकीय प्रणालीमुळे नागरिकांना त्यांच्या अर्जाची सद्यस्थिती ऑनलाइन पाहता येणार असून, जन्म प्रमाणपत्रातील आवश्यक दुरुस्ती वेळेत करता येईल.
याशिवाय, पुढील टप्प्यात अर्जाची स्थिती नागरिकांना SMS द्वारे कळविण्याची सुविधा सुरू करण्याचे निर्देश महापालिका आयुक्त अश्विनी भिडे यांनी दिले आहेत.
उच्च शिक्षण, नोकरी किंवा इतर कारणांसाठी परदेशात जाणाऱ्या नागरिकांसाठी CFC मध्ये स्वतंत्र काउंटर सुरू करण्यात आला आहे. तसेच जुन्या जन्म आणि मृत्यू दाखल्यांचे QR कोडयुक्त नवीन प्रमाणपत्रात रूपांतर करण्याची सुविधाही उपलब्ध करून देण्यात आली आहे.
शैक्षणिक प्रवेश, परदेश प्रवास आणि व्हिसा प्रक्रियेसाठी जन्म प्रमाणपत्रातील दुरुस्तीच्या अर्जांमध्ये मोठी वाढ झाल्यानंतर हा निर्णय घेण्यात आला आहे.
बीएमसीने स्पष्ट केले आहे की, 2016 पूर्वी नोंदवलेल्या जन्म आणि मृत्यूच्या नोंदींसाठी नागरिकांना केंद्र सरकारच्या Civil Registration System (CRS) पोर्टलद्वारे नवीन स्वरूपातील प्रमाणपत्रासाठी अर्ज करता येईल.
मात्र, अशा जुन्या नोंदींची अतिरिक्त पडताळणी करावी लागणार असल्याने अर्ज निकाली काढण्यासाठी तुलनेने अधिक वेळ लागू शकतो. ही प्रक्रिया अधिक जलद आणि सुलभ करण्यासाठी महापालिका प्रयत्न करत असल्याचेही प्रशासनाने स्पष्ट केले आहे.
हेही वाचा
Share
Tweet
