कांदा आहारात महत्त्वाचा आहे. तसेच भारतीय कुटुंबासाठी एक आवश्यक घटक आहे. मात्र हा कांदा आता सर्वसामान्यांना रडवत आहे. वृत्तानुसार, मुंबई (mumbai) आणि दिल्लीसारख्या (delhi) प्रमुख मेट्रो शहरांमध्ये 1 किलो कांद्याची किंमत 100 रुपयांपर्यंत पोहोचली आहे.
सर्व महत्त्वाच्या घाऊक बाजारात कांद्याची किंमत 40 ते 60 रुपये प्रति किलोग्रॅमवरून 60 ते 70 रुपये प्रति किलोग्रॅमवर पोहोचल्या आहेत. सद्यस्थिती पाहता येत्या काही काळात कांद्याचे भाव 100 रुपये प्रति किलोग्रॅमवर जाण्याची शक्यता नाकारता येत नाही.
एएनआयच्या वृत्तानुसार, आर्थिक राजधानी मुंबईत 80 रुपये किलो दराने कांदा (onions) विकला जात आहे. दरम्यान, देशाची राजधानी दिल्लीतही घाऊक दरात वाढ झाली आहे.
कांद्याच्या दरात अलीकडेच झालेली वाढ हे उत्पादनाच्या निकृष्ट दर्जाला कारणीभूत ठरत आहे. महाराष्ट्र, राजस्थान आणि कर्नाटक या प्रमुख राज्यांमध्ये खरीप पिकाच्या खालच्या दर्जाच्या गुणवत्तेमुळे जुन्या आणि अधिक महाग पिकाची मागणी वाढली आहे. याला आणखी एक कारण कारणीभूत आहे ते म्हणजे निर्यातीच्या मागणीत झालेली वाढ.
भारतीय रुपयाचे मूल्य आणखीन कमी झाले आहे. भारतीय रुपया अमेरिकन डॉलरच्या तुलनेत 84.39 इतका झाला आहे. भारतीय रुपयाने आतापर्यंतचा सर्वात नीचांक गाठला आहे. याचा परिणाम नियमित भारतीय ग्राहकांवर होत आहे. त्यामुळे येत्या काही आठवड्यात आणि महिन्यांत महागाई वाढण्याची भीती निर्माण झाली आहे.
हेही वाचा
Share
Tweet
