मागील काही दिवसांपासून पेट्रोल आणि डिझेलचे दर गगनाला जाऊन पोहोचले. मात्र मागील 13 दिवसापर्यंत पेट्रोल आणि डिझेलच्या दरात कपात सुरू राहिल्याने सामान्यांना किंचीतच का होईना मात्र दिलासा जरुर मिळाला आहे. पण बुधवारी 14व्या दिवशी मात्र कोणतीही कपात दिसली नाही. त्यामुळे पेट्रोल आणि डिझेलच्या दरात कोणतेही बदल झालेला नाही. मंगळवारी पेट्रोलच्या दरात 20 पैसे आणि डिझेलच्या दरात 7 पैशांची कपात दिसून आली.
आर्थिक राजधानी मुंबईत सध्या पेट्रोलचा प्रतिलिटर दर 85.04, तर डिझेलचा प्रतिलिटर दर 77.32 रुपये झाला आहे. मात्र बुधवारी कोणतीही कपात न झाल्याने पेट्रोल-डिझेल मंगळवारच्या दरानुसारच मिळत आहे.
अांतरराष्ट्रीय बाजारात कच्च्या तेलाच्या दरात घट होत आहे. शिवाय डॉलरच्या तुलनेत रुपयाची स्थिती सुधारत असल्याने त्याचा लाभ इंधनदराला होत आहे. जानेवारीत आयसीई समभाग व्यवहार 0.04 टक्क्यांनी घसरून 77.63 डॉलर प्रति बॅरल होता, तर डब्ल्यूटीआयचा डिसेंबरचा करार 0.07 टक्क्यांनी वाढून 67.64 डॉलर प्रति बॅरलवर गेला होता.
Share
Tweet
