सार्वजनिक गणेशोत्सवावर यंदा करोनाचे सावट असल्याने राज्य सरकारनं अत्यंत साधेपणानं गणेशोत्सव साजरा करण्याचं आवाहन केलं आहे. विशेष म्हणजे कोरोनाच्या संभाव्य तिसऱ्या लाटेचा धोका लक्षात घेता मुंबई महानगरपालिकेनं आपल्या गणेशोत्सवाबाबतच्या नियमावलीत सुधारणा केली आहे. त्यानुसार यावेळी लोकांना सार्वजनिक गणेशोत्सव मंडपात प्रत्यक्ष जाऊन श्रीगणेशाचे दर्शन घेण्यावर प्रतिबंध लावण्यात आला आहे.
लोकांनी सार्वजनिक मंडळांच्या बाप्पांचे ऑनलाइन दर्शन घ्यावे अशी सूचना महापालिकेने मुंबईकर गणेशभक्तांना केली आहे. मुंबई महानगरपालिकेने मुंबईतील सार्वजनिक गणेशोत्सवासाठी जून महिन्यात नियमावली जाहीर केली होती. त्यात सार्वजनिक मंडळाच्या बाप्पांचे दर्शन घेण्यासाठी गणेशभक्तांनी मास्कचा वापर करून शारीरिक अंतर पाळणे, तसेच स्वच्छतेचे नियम पाळण्याबाबत सूचना केल्या होत्या.
तिसऱ्या लाटेचा संभाव्य धोका लक्षात घेत महापालिकनं या नियमात सुधारणा करून बाप्पाचे प्रत्यक्ष मंडपात येऊन दर्शन घेण्यावर प्रतिबंध घातला आहे. यासाठी महापालिकेने सार्वजनिक गणेशोत्सव मंडळांना महत्वाचे निर्देश दिले आहेत. मुंबईतील अनेक गणेशोत्सव मंडळानी गणेशभक्तांना पूजेसाठी पास वितरित करण्याचा निर्णय घेतला होता. मात्र यानंतर महापालिकेने नवा नियम जाहीर केला.
मुंबई महापालिकेची नवी नियमावली
Share
Tweet
