महाराष्ट्र विधिमंडळाचे पावसाळी अधिवेशन सुरू झाल्यापासून सत्ताधारी आणि विरोधकांमध्ये जोरदार शाब्दिक युद्ध सुरू आहे. सुरुवातीचे दोन दिवस भाजप नेते किरीट सोमय्या यांचा कथिक आक्षेपार्ह व्हिडिओ आणि शेतकऱ्यांच्या प्रश्न हे दोन मुद्दे चर्चेत होते.
किरीट सोमय्या यांच्या व्हिडीओची चौकशी करून कारवाईची मागणी विरोधकांनी केली, याशिवाय खतांचे वाढते दर आणि बनावट बियाण्यांमुळेही सरकार अडचणीत आले आहे. आज 20 जुलै रोजी रायगडमध्ये दरड कोसळण्याच्या घटनेची विधानसभेत चर्चा होत आहे.
मृतांच्या नातेवाईकांना 5 लाख रुपयांची मदत जाहीर केली.
रायगड जिल्ह्यातील इरसालवाडी येथील दरड कोसळून झालेल्या दुर्घटनेत ढिगाऱ्याखाली अडकलेल्या नागरिकांचे प्राण वाचवण्याला शासनाचे सर्वोच्च प्राधान्य आहे. एनडीआरएफच्या मार्गदर्शनाखाली प्रशासनाच्या पथकासह स्थानिक स्वयंसेवी संस्थांच्या मदतीने मदत आणि बचाव कार्य जोरात सुरू आहे. दोन हेलिकॉप्टर सज्ज ठेवण्यात आले आहेत परंतु खराब हवामानामुळे हवाई बचाव कार्यावर मर्यादा येत आहेत.
सरकार प्रत्येक गोष्टीवर बारकाईने लक्ष ठेवून आहे. या दुर्घटनेत मृत्युमुखी पडलेल्यांच्या कुटुंबीयांना पाच लाख रुपयांची मदत, तर जखमींवर सरकारतर्फे मोफत उपचार केले जातील, असे उपमुख्यमंत्री अजित पवार यांनी विधानपरिषद सभागृहात दिलेल्या निवेदनात म्हटले आहे.
आप्पासाहेब धर्माधिकारींच्या कार्यक्रमात झालेल्या अपघातावर गदारोळ
महाराष्ट्र विधिमंडळाच्या पावसाळी अधिवेशनात खारघरमध्ये अप्पासाहेब धर्माधिकारी यांच्या स्मरणार्थ झालेल्या नागरिकांच्या मृत्यू आणि कार्यक्रमाच्या व्यवस्थेवरून गदारोळ झाला. मंत्री सुधीर मुनगंटीवार यांच्यावर राजकारण केल्याचा आरोप झाल्यानंतर विरोधक आक्रमक झाले.
हेही वाचा
Share
Tweet
