दरवर्षीप्रमाणे मखदूम शाह बाबा दर्गाह उरूस 4 डिसेंबर ते 14 डिसेंबर या काळात होणार आहे. यावेळी माहिम परिसरात भक्तांची मोठी गर्दी अपेक्षित आहे. वाहतूक सुरळीत ठेवण्यासाठी आणि गर्दी टाळण्यासाठी मुंबई वाहतूक पोलिसांनी तात्पुरते वाहतूक बदल जाहीर केले आहेत.

दरवर्षीप्रमाणे यंदाही हजारो भक्त उरूस दरम्यान दर्गाहला भेट देणार आहेत. यावेळी अनेक ‘संदल’ मिरवणुका परिसरातून जातात. दर्गा रोडलगतची बालमिया लेन ही नेहमीच अतीगर्दीने भरलेली असते, कारण दोन्ही बाजूंना विक्रेते दुकाने लावतात आणि त्यामुळे वाहतूक मोठ्या प्रमाणात खोळंबते.

हे तात्पुरते वाहतूक बदल 4 डिसेंबर रोजी रात्री 12:01 पासून ते 14 डिसेंबरच्या मध्यरात्री 12:00 पर्यंत लागू राहतील.

संपूर्ण कालावधीत खालील रस्ता वाहन वाहतुकीसाठी बंद राहील:

• बालमिया लेन (मुंबई दरबार ते कपड बाजार चौकी, महिम ट्रॅफिक चौकीसमोर)

• वाहनांना कपडा बाजार येथून उजवीकडे वळून एल. जे. रोड मार्गे पुढे जावे लागेल.

• दुपारी 1:30 नंतर, वाहनांनी कॅडल रोड वापरावा.

• वाहनांनी एल. जे. रोड वापरावा.

• सकाळी 7:00 ते दुपारी 1:30 या वेळेत वाहनांनी कॅडल रोड वापरणे अनिवार्य.

मुंबई वाहतूक पोलिसांनी नागरिकांना विनंती केली आहे की, या कालावधीत दिलेल्या मार्गदर्शक सूचनांचे पालन करावे, पर्यायी मार्गांचा वापर करावा आणि प्रवास आधीच नियोजित करून वाहतूक सुरळीत ठेवण्यास सहकार्य करावे.

हेही वाचा

मुंबईत भाड्याने राहणे आता अधिक परवडणारे होणार

मुंबईतील 'या' 14 भागातील 15 टक्के पाणीकपात रद्द