मुंबईतील प्राचीन किल्ला म्हणून ओळखल्या जाणाऱ्या शिवडी किल्ल्याचा परिसर आता विद्युत दिव्यांनी उजळणार आहे. या किल्ल्यावर पर्यटकांची संख्या अधिक असल्यानं या किल्ल्याचं सुशोभिकरण करण्याचा निर्णय महापालिका प्रशासनानं घेतला आहे. त्यामुळे शिवडी किल्ला आता दिव्यांनी लखलखणार आहे.
कळसासारखा दिसणारा शिवडी किल्ला हा प्राचीन वास्तुशास्त्राचा एक उत्तम नमुना आहे. त्यामुळं हे प्राचीन बांधकाम पाहण्यासाठी स्थानिक नागरिकांसह परदेशी पर्यटकही मोठ्या संख्येनं या ठिकाणी येत असतात. त्यामुळे शिवडी किल्ल्याचे सुशोभित दिव्यांनी सुशोभिकरण करण्याचा निर्णय घेण्यात आला. यासाठी ८४ लाख रुपये खर्च करण्यात येत आहे.
मुंबई शहरात ऐतिहासिक वारसा जपत, आजही चांगल्या स्थितीत असलेला हा एकमेव किल्ला आहे. आजही या किल्यावर पर्यटक येणार असल्याने एक उत्तम पर्यटन स्थळ निर्माण करण्याच्या दृष्टीने सुशोभित दिव्यांनी या किल्ल्याचं सुशोभिकरण करणं आवश्यक होतं, असं स्थानिक नगरसेवक सचिन पडवळ यांनी स्पष्ट केले.
Share
Tweet
