स्वदेशी बनावटीच्या स्कॉर्पिअन श्रेणीतील तिसरी पाणबुडी आयएनएस 'करंज' भारतीय नौदलात दाखल झाली आहे. बुधवारी मुंबईच्या माझगाव डॉक शिपबिल्डर्स लिमिटेड येथून या पाणबुडीचे जलावतरण करण्यात आलं. यावेळी नौदलाचे चीफ अॅडमिरल सुनील लांबा प्रमुख पाहुणे म्हणून उपस्थित होते. या 'करंज' पाणबुडीची लांबी ६७.५ मीटर, उंची १२.३ मीटर तर वजन १५६५ टन आहे. विशेष म्हणजे या पाणबुडीतून शत्रूवर अचूक मारा करणे शक्य होणार आहे.
यापूर्वी भारतीय बनावटीची स्कॉर्पिअन श्रेणीतील पहिली पाणबुडी आयएनएस कलवरी आणि दुसऱ्या पाणबुडी खंदेरीचं जलावतरण झालं आहे. मेक इन इंडियाअंतर्गत बनवण्यात येणाऱ्या सहा पाणबुड्या २०२० पर्यंत नौदलात सामील करण्याचं उद्दीष्ट आहे.
डिझेल इलेक्ट्रिक पाणबुड्यांच्या बाबतीत कलवरीचे तंत्रज्ञान जगात उत्तम समजलं जात आहे. रडारवर असतानाही याच शोध घेता येणार नाही अशी कलवरी वर्गातील पाणबुड्यांची रचना आणि तंत्रज्ञान आहे.
Share
Tweet
