मुंबई पोलीस आयुक्त संजय पांडे (Sanjay Pandey) उद्या म्हणजेच गुरुवारी निवृत्त होणार आहेत. संजय पांडे निवृत्त झाल्यानंतर मुंबईचे पुढचे पोलीस आयुक्त विवेक फणसलकर असतील.

महाराष्ट्र सरकारने बुधवारी आयपीएस अधिकारी विवेक फणसळकर यांची मुंबई पोलिस आयुक्तपदी नियुक्ती केली. संजय पांडे ३० जून रोजी निवृत्त होत असल्याने विवेक यांची जागा घेणार आहे.

2018 मध्ये, विवेक फणसळकर यांची परमबीर सिंग यांच्यानंतर ठाणे पोलीस आयुक्त म्हणून नियुक्ती करण्यात आली होती, ज्यांची नंतर अतिरिक्त पोलीस महासंचालक (कायदा व सुव्यवस्था) म्हणून मुंबई येथे नियुक्ती करण्यात आली होती.

या नियुक्तीपूर्वी, फणसळकर हे २०१६ पासून मुंबईच्या लाचलुचपत प्रतिबंधक विभागाचे अतिरिक्त महासंचालक होते. 1989 च्या बॅचचे अधिकारी, फणसळकर यांनी यापूर्वी 2008 मध्ये ठाण्यात काम केले आहे, जेव्हा त्यांनी एका आठवड्यापासून सुरू असलेल्या दोन समुदायांमधील दंगल संपवण्यास महत्त्वपूर्ण मदत केली होती.

विवेक फणसाळकर यांची कारकीर्द

१९९१-९३: अकोला येथे अतिरिक्त पोलीस अधीक्षक म्हणून काम केले.

१९९३-९५: गव्हर्नर डॉ पी सी अलेक्झांडरचे एडीसी होते.

१९९५-९८: वर्धा व परभणी येथील पोलीस अधीक्षक.

1998-2000: नाशिकचे पोलिस उपायुक्त म्हणून नियुक्ती.

2000-03: पोलीस अधीक्षक, CID (गुन्हे), नागपूर.

2003-07:- भारतीय कापूस महामंडळाचे दक्षता संचालक.

2007-10: पुणे आणि ठाण्याचे अतिरिक्त पोलिस आयुक्त.

2010-14: सह पोलिस आयुक्त (वाहतूक), मुंबई.

2014-15: सह पोलिस आयुक्त (प्रशासन)

2015 -16: अतिरिक्त पोलीस महासंचालक, दहशतवाद विरोधी पथक, मुंबई.

2016-18: अतिरिक्त पोलीस महासंचालक, लाचलुचपत प्रतिबंधक विभाग, मुंबई.

2018-22 : ठाणे पोलीस आयुक्त

हेही वाचा

मुंबईत उद्या मुसळधार पावसाची शक्यता

कुर्ला इमारत दुर्घटना: कंत्राटदाराला अटक, मृतांच्या नातेवाईकांना पंतप्रधानांकडून आर्थिक मदत