पिच फिक्सिंगचा स्टिंग उघडकीस आल्यामुळे संपूर्ण क्रिकेट जगत हादरले आहे. कारण पिचची देखरेख करणारे (पिच क्युरेटर) पांडुरंग साळगावकर यांचे खळबळजनक स्टिंग एका खासगी वृत्त वाहिनीने उघडकीस आणले आहे. त्यामुळे बुधवारी पुणे येथे भारत-न्यूझीलंडदरम्यान होणारा सामना रद्द होण्याची शक्यता निर्माण झाली होती. मात्र हा सामना होणार असल्याचे बीसीसीआयचे कार्यकारी अध्यक्ष सी. के. खन्ना यांनी स्पष्ट केले आहे.
फलंदाजीसाठी उत्तम पीच तयार होण्यासाठी पैशांच्या देवाणघेवाणीचा उल्लेख या स्टिंगमध्ये करण्यात आला आहे. याची माहिती मिळताच बीसीसीआयने चौकशीची घोषणा करत जे कोणी दोषी असतील त्यांच्यावर कठोर कारवाई होणार असल्याचे सांगितले आहे.
या स्टिंग ऑपरेशनमध्ये पत्रकार मैदानाची देखरेख करणाऱ्या म्हणजेच पिच क्युरेटरला दोन खेळाडूंसाठी पिचमध्ये थोडक्यात बदल करायला सांगतो. पत्रकाराने असे म्हणताच तो पिचक्युरेटर असे करायला लगेच तयार झाला. साळगावकर पुढे म्हणाला ३३७ धावा आरामत निघतील असा पिच तयार केला आहे. फलंदाजांना ही धावसंख्या पूर्ण करणे सहज शक्य होईल.
हेही वाचा
Share
Tweet
