समुद्रकिनारी एखादं कपल दिसलं की, तृतीयपंथी किंवा चणे-शेंगदाणेे विकणारे संधी साधून मधमाशांप्रमाणे त्यांच्या आजूबाजूला पैशांसाठी घोंगावू लागतात. प्रेम करताना एकांत मिळावा म्हणून प्रियकरही पटकन खिशातून पैसे काढून त्यांना पळवतो. मात्र जोडप्यांच्या भाबडेपणाचा काहीजण गैरफायदाही घेतात. नुकताच असा प्रकार वरळी सी फेस इथं घडला असून व्हॅलेंटाईन डे निमित्त समुद्रकिनारी बसलेल्या जोडप्याचे फोटो काढून ते फोटो घरातल्यांना दाखवण्याची धमकी देत दोन महिलांनी त्यांच्याकडून खंडणी उकळण्याचा प्रयत्न केला. मात्र या हुशार जोडप्याने न घाबरता त्यांना पोलिस चौकीत घेऊन जात वरळी पोलिसांच्या ताब्यात दिलं.
नेमकं काय झालं? व्हॅलेंटाईन डे निमित्ताने वरळीच्या सी फेस इथं प्रेमी युगुलांनी मोठी गर्दी केली होती. त्याच गर्दीत मेडिकलचं शिक्षण घेणारं उच्चभ्रू वस्तीतील एक जोडपंही आलं होतं. दोघंही प्रेमाच्या आणाभाका घेण्यात मग्न असताना, मागून मनिषा खाखादिया (38) आणि शिल्पा चर्नीया (40) नावाच्या या दोन महिलांनी त्यांचे फोटो काढून दोघांना हटकलं. त्यावेळी ते दोघेही घाबरले.
"तुम्ही आमच्या घरासमोर बसून काय अश्लील चाळे करताय? तुम्ही कुठं राहता, तुमचा पत्ता सांगा? तुमच्या घरच्यांना हे फोटो पाठवतो" अश्या प्रकारे जोडप्याच्या अंगावर खेकसत त्यांना भीती घालू लागल्या.
लालसा वाढली आपल्या दरडावण्याने जोडपं घाबरून गेल्याचं पाहून या दोघींनी काही वेळाने त्यांच्याकडे पैशांची मागणी केली. खिशात असतील तेवढे पैसे द्या अन्यथा पोलिसांना बोलावण्याची धमकीही दिली. या पेचातून सुटण्यासाठी मुलीने पैसे देण्याची तयारी दाखवली. दोघेही आपल्या जाळ्यात पुरते अडकल्याचं पाहून मनिषा आणि शिल्पा यांची भूक वाढली. त्यांनी जोडप्याजवळ थोडेथोडके नाही तर थेट 50 हजार रुपयांची मागणी केली.
इथंच घात झाला या मागणीनंतर तर प्रेमी युगुलाला दरदरून घामचं फुटला. आम्ही पैशांची जमवाजमव करून उद्या पैसे देतो असं त्यांनी दोघींना सांगितलं. मात्र पैसे आताच्या आता पाहिजेत यावर मनिषा आणि शिल्पा अडून बसल्या. अखेर संतापलेल्या प्रियकराने "तुम्ही आम्हाला पोलिसांच्या स्वाधीन करा, आम्हीही तुमची तक्रार करू" असं म्हटलं.
'अशी' झाली अटक जोडप्याला घाबरवण्यासाठी मनिषा आणि शिल्पाही पोलिस ठाण्यात जायला तयार झाल्या. पण पोलिस ठाण्याजवळ येताच दोघीही थंड पडून सेटलमेंटची भाषा बोलू लागल्या. मात्र जोडप्याने बाहेर न थांबता पोलिस ठाण्यात जात घडलेला प्रकार पोलिस ठाण्यातील अधिकाऱ्यांना सांगितला. त्यानंतर तिथून पळून जाण्याच्या तयारीत असलेल्या मनिषा आणि शिल्पाला पोलिसांनी ताब्यात घेतलं.
धमकावणं हाच धंदा दोघींच्या चौकशीत त्या वरळी सी फेस परिसरात राहणाऱ्या नसून डोंगरी परिसरात रहात असल्याचं पुढं आलं आहे. व्हॅलेंटाईन डेचं नाही तर दर दिवशी पालकांची नजर चुकवून फिरणाऱ्या जोडप्यांना लक्ष करून त्यांचे फोटो काढून पोलिस किंवा पालकांना दाखवण्याची धमकी दोघी देत आणि पैसे उकळ्त.
तपास सुरू या दोघींच्या मोबाइलमध्ये इतर काही जोडप्यांचे फोटोही आढळले आहेत. पोलिसांनी शिल्पा आणि मनिषा यांच्यावर गुन्हा नोंदवला असून या दोघींनी आतापर्यंत किती जणांना अशै प्रकारे फसवलं आहे, याचा तपास वरळी पोलिस करत आहे.
नेमकं काय झालं?
व्हॅलेंटाईन डे निमित्ताने वरळीच्या सी फेस इथं प्रेमी युगुलांनी मोठी गर्दी केली होती. त्याच गर्दीत मेडिकलचं शिक्षण घेणारं उच्चभ्रू वस्तीतील एक जोडपंही आलं होतं. दोघंही प्रेमाच्या आणाभाका घेण्यात मग्न असताना, मागून मनिषा खाखादिया (38) आणि शिल्पा चर्नीया (40) नावाच्या या दोन महिलांनी त्यांचे फोटो काढून दोघांना हटकलं. त्यावेळी ते दोघेही घाबरले.
"तुम्ही आमच्या घरासमोर बसून काय अश्लील चाळे करताय? तुम्ही कुठं राहता, तुमचा पत्ता सांगा? तुमच्या घरच्यांना हे फोटो पाठवतो" अश्या प्रकारे जोडप्याच्या अंगावर खेकसत त्यांना भीती घालू लागल्या.
लालसा वाढली
आपल्या दरडावण्याने जोडपं घाबरून गेल्याचं पाहून या दोघींनी काही वेळाने त्यांच्याकडे पैशांची मागणी केली. खिशात असतील तेवढे पैसे द्या अन्यथा पोलिसांना बोलावण्याची धमकीही दिली. या पेचातून सुटण्यासाठी मुलीने पैसे देण्याची तयारी दाखवली. दोघेही आपल्या जाळ्यात पुरते अडकल्याचं पाहून मनिषा आणि शिल्पा यांची भूक वाढली. त्यांनी जोडप्याजवळ थोडेथोडके नाही तर थेट 50 हजार रुपयांची मागणी केली.
इथंच घात झाला
या मागणीनंतर तर प्रेमी युगुलाला दरदरून घामचं फुटला. आम्ही पैशांची जमवाजमव करून उद्या पैसे देतो असं त्यांनी दोघींना सांगितलं. मात्र पैसे आताच्या आता पाहिजेत यावर मनिषा आणि शिल्पा अडून बसल्या. अखेर संतापलेल्या प्रियकराने "तुम्ही आम्हाला पोलिसांच्या स्वाधीन करा, आम्हीही तुमची तक्रार करू" असं म्हटलं.
'अशी' झाली अटक
जोडप्याला घाबरवण्यासाठी मनिषा आणि शिल्पाही पोलिस ठाण्यात जायला तयार झाल्या. पण पोलिस ठाण्याजवळ येताच दोघीही थंड पडून सेटलमेंटची भाषा बोलू लागल्या. मात्र जोडप्याने बाहेर न थांबता पोलिस ठाण्यात जात घडलेला प्रकार पोलिस ठाण्यातील अधिकाऱ्यांना सांगितला. त्यानंतर तिथून पळून जाण्याच्या तयारीत असलेल्या मनिषा आणि शिल्पाला पोलिसांनी ताब्यात घेतलं.
धमकावणं हाच धंदा
दोघींच्या चौकशीत त्या वरळी सी फेस परिसरात राहणाऱ्या नसून डोंगरी परिसरात रहात असल्याचं पुढं आलं आहे. व्हॅलेंटाईन डेचं नाही तर दर दिवशी पालकांची नजर चुकवून फिरणाऱ्या जोडप्यांना लक्ष करून त्यांचे फोटो काढून पोलिस किंवा पालकांना दाखवण्याची धमकी दोघी देत आणि पैसे उकळ्त.
तपास सुरू
या दोघींच्या मोबाइलमध्ये इतर काही जोडप्यांचे फोटोही आढळले आहेत. पोलिसांनी शिल्पा आणि मनिषा यांच्यावर गुन्हा नोंदवला असून या दोघींनी आतापर्यंत किती जणांना अशै प्रकारे फसवलं आहे, याचा तपास वरळी पोलिस करत आहे.