वाशीत तरूणावर ५ जणांचा सामूहिक बलात्कार

तो मोबाइलवर बोलत असताना २५ ते ३० वयोगटातील ५ जण तेथे आले. त्यांनी त्याला जबरदस्तीने उचलून टाटा कॉलनी व जागृतेश्वर तलाव घाटालगत असलेल्या कांदळवनाच्या झुडुपात नेले.

SHARE

वाशी येथे एका तरूणावर ५ तरूणांनी सामूहिक बलात्कार केल्याची धक्कादायक घटना उघडकीस आली आहे. एवढंच नाही तर ह्या पाचही नराधमांनी त्या तरूणाच्या पार्श्वभागात नारळाची अर्धवट करवंटी व कंडोमही टाकला. त्यानंतर ते सर्वजण तेथून पळून गेले. या घटनेत पिडीत तरूण गंभीर जखमी झाला. त्याच्यावर कौपरखैरणे येथील रुग्णालयात तातडीने शस्त्रक्रिया करण्यात आली. 

तुर्भे परिसरात राहणारा ३४ वर्षीय तरूण सोमवारी वाशीतील जागृतेश्वर तलावाजवळील घाट क्रमांक २ येथे फेरफेटका मारण्यासाठी गेला होता. यावेळी तो मोबाइलवर बोलत असताना २५ ते ३० वयोगटातील ५ जण तेथे आले. त्यांनी त्याला जबरदस्तीने उचलून टाटा कॉलनी व जागृतेश्वर तलाव घाटालगत असलेल्या कांदळवनाच्या झुडुपात नेले. तेथे त्याच्यावर ह्या पाचही जणांनी सामूहिक बलात्कार केला. त्यानंतर ते तेथून पळून गेले. या अत्याचारात पीडित तरूण गंभीर जखमी झाला. या अवस्थेतच त्याने आपले घर गाठले. कुटुंबियांना त्याने हा धक्कादायक प्रकार सांगितला. त्यानंतर कुटुंबियाने त्याला कौपरखैरणे येथील खाजगी रुग्णालयात दाखल केलं. रुग्णालयात त्याच्यावर शस्त्रक्रिया करण्यात आली. अद्याप तरूणाची प्रकृती चिंताजनक आहे. 

वाशी पोलिसांनी या प्रकरणाचा तपास सुरू केला आहे. मात्र अद्याप त्यांना एकाही आरोपीला पकडण्यात यश आलेलं नाही. त्यामुळे पीडित तरूणांच्या मित्रांनी पोलिस आयुक्त संजय कुमार यांना पत्र देऊन या गंभीर प्रकाराची दखल घ्यावी अशी विनंती केली. ही घटना दिल्लीतील ‘निर्भया’प्रकरणाशी मिळतीजुळती असल्याचंही त्यांनी निदर्शनास आणून दिलं आहे. 



हेही वाचा -

फुकट्या प्रवाशांकडून मध्य रेल्वेची १०० कोटींची वसुली

नामांकित कंपन्यांच्या नावे बनावट घड्याळं बनवणाऱ्या टोळीचा पर्दाफाश




संबंधित विषय
ताज्या बातम्या