भारतीय बँकांचे तब्बल ९ हजार कोटी रुपयांहून अधिक कर्ज बुडवून लंडनमध्ये पळून गेलेला एकेकाळचा स्वयंघोषित मद्यसम्राट विजय मल्ल्या याला लंडन पोलिसांनी ताब्यात घेतले. मात्र काही वेळातच स्थानिक न्यायालयाने जामीन मंजूर केल्याने त्याची सुटका करण्यात आली.
ब्रिटनसोबत झालेल्या प्रत्यार्पण कराराअंतर्गत 'ईडी'ने ब्रिटन सरकारकडे मल्ल्याचा ताबा मागितला आहे. या प्रत्यार्पणाच्या प्रकरणावर ४ डिसेंबर रोजी सुनावणी होणार आहे.
अंमलबजावणी संचालनालया (ईडी)च्या तक्रार अर्जानंतर लंडन पोलिसांनी पैशाच्या अफरातफरी (मनी लाड्रींग कायद्यांतर्गत)प्रकरणी मल्ल्याला ताब्यात घेतल्याचे वृत्त दूरदर्शन या सरकारी वाहिनीने दिले.
यापूर्वी न्यायालयासमोर हजर राहण्यास सांगूनही सतत गैरहजर राहणाऱ्या मल्ल्याला १८ एप्रिल २०१७ रोजी अटक करण्यात आली होती. परंतु अटकेनंतर अवघ्या ३ तासांमध्येच स्थानिक वेस्टमिनिस्टर मॅजिस्ट्रेटने ६५०,००० पाऊंडच्या जातमुचलक्यावर त्याला जामीन मंजूर करण्यात आला. मे महिन्यात सीबीआय आणि ईडीची ४ सदस्यीय पथक ब्रिटनला पोहोचले होते. तिथे या पथकाने संबंधीत अधिकाऱ्यांना मल्ल्याविरुद्ध कर्ज न फेडण्याबाबतच्या प्रकरणांची संपूर्ण माहिती दिली. लंडन न्यायालयाने हे पुरावे ग्राह्य धरत त्याच्या अटकेचे आदेश दिले.
डाऊनलोड करा Mumbai live APP आणि रहा अपडेट
मुंबईशी जोडलेली प्रत्येक बातमी आणि अपडेट मिळवण्यासाठी Mumbai live च्या फेसबुक पेजला लाईक करा
(खाली दिलेल्या कमेंट बॉक्समध्ये तुमच्या प्रतिक्रिया अवश्य द्या)
Share
Tweet
