मुंबईत महिलांवरील अत्याचारात वाढ

मुंबईत २०१९ या वर्षात घडलेल्या सर्व गुन्ह्यांची माहिती समोर येत आहे. मुंबईत तब्बल ४१९३१ गुन्हे दाखल झाले असून, यापैकी २८८०२ गुन्ह्यांची उकल करण्यात पोलिसांना यश आल्याची माहिती मिळते. नॅशनल क्राइम रेकॉर्ड ब्युरोनं २०१८ची देशभरातील गुन्ह्यांची आकडेवारी नुकतीच जाहीर केली. त्यानंतर, मुंबईतील २०१९ची आकडेवारी समोर आली आहे. या आकडेवारीनुसार, महिलांवरील अत्याचाराच्या गुन्ह्यांत ५६० नं वाढ झाली आहे.

२०१९ मध्ये महिलांचे विनयभंग, बलात्कार, अपहरण असे एकूण ६४३८ गुन्हे घडले आहेत, तर २०१८ मध्ये ही संख्या ५९७८ इतकी होती. २०१८च्या तुलनेत बलात्कारांच्या गुन्ह्यांमध्ये १२६ तर विनयभंगाचे गुन्हे ९२ नं वाढले आहेत. बलात्काराच्या १०१५ गुन्ह्यांमध्ये ६२२ गुन्हे अल्पवयीन मुलींवरील बलात्काराचे आहेत. ही आकडेवारी लक्षात घेता मुंबईतील महिला अजूनही सुरक्षित नसल्याचं चित्र आहे.

महिलांवरील अत्याचार गुन्ह्यांच्या आरोपींमध्ये ओळखीच्या आरोपींचं प्रमाण अधिक आहे. तसंच, वाढत्या जनजागृतीमुळं महिला, अल्पवयीन मुलींचे पालक तक्रार करण्यासाठी येत असल्यानं गुन्ह्यांची आकडेवारी वाढल्याचं पोलिसांनी म्हटलं आहे.

अल्पवयीन मुलींच्या अपहरणामध्ये २०१९ मध्ये घट झाली असून, २०१९ मध्ये अल्पवयीन मुलींच्या अपहरणाचे १३३४ गुन्हे दाखल झाले आहेत. ही संख्या २०१८ मध्ये १३३९ इतकी होती. २०१७ मध्ये अल्पवयीन मुलींच्या अपहरणाचे १२७४ गुन्हे दाखल झाले होते.

मुंबईतील गुन्हे

वर्षागणिक आकडेवारी

महिला अत्याचार गुन्हे

पोस्को अंतर्गत दाखल गुन्हे

अपहरणाचे गुन्हे

हेही वाचा -

सेन्सेक्स ४२००० हजार अंकांवर

‘तान्हाजी’ करमुक्त करा, देवेंद्र फडणवीसांचं मुख्यमंत्र्यांना पत्र