हेरगिरीप्रकरणः पाकिस्तानी गुप्तहेरांना पैसे पुरवणाऱ्यास अटक

मुंबईतील नौदल पश्चिम कमांडचे मुख्यालय असलेल्या डॉकयार्डमध्ये हेरगिरी करणाऱ्या सात जणांच्या टोळीचा नौदल गुप्तहेर खात्याने डिसेंबर 2019 मध्ये पर्दाफाश केला होता. यातील दोन पाकिस्तानी गुप्तहेरांना मुंबईच्या नौदल डाँकयार्ड येथून अटक केली होती. तपासात  सात नाविक हे पाकिस्तानी हेर असल्याचे समोर आले. त्यातील दोन हेर हे  मुंबईतील नौदल गोदीत व कारवार येथील 'आयएनएस कदंबा' या नाविक तळावर कार्यरत असल्याने निदर्शनास आल्यानंतर  दोघांना अटक करण्यात आली होती.

जम्मू-कश्मीर केंद्र शासित प्रदेश जाहिर केल्यानंतर भारत-पाकिस्तानमधील संबंध ताणले गेले. युद्धजन्य परिस्थिती पाहता सुरक्षा यंत्रणेला सज्ज राहण्याच्या सूचना देण्यात आल्या होत्या. त्या पार्श्वभूमिवर नौदलातील गुप्तहेर पथकाला  नौदलात पाकिस्तानी गुप्तहेर असल्याची माहिती मिळाली होती. त्यानुसार नौदलाने विशाखापट्टणम तळावर शोध घेतला असता. बनावट कागदपत्रांच्या आधारे तीन नाविक नौदलात कार्यरत असल्याची माहिती पुढे आली. हे तिघे सोशल मीडियाच्या माध्यमातून ते पाकिस्तानातील त्यांच्या हॅण्डलरला माहिती देत होते. अटक करण्यात आलेले हे सर्व सात नाविक 22 ते 24 वर्षाचे असून  अलिकडेच ते नौदलात भरती झाले होते. बनावट कागदपत्रांच्या आधारे हे नौदलात दाखल झाले आहेत. या कारवाईत आणखी एका व्यक्तीला अटक करण्यात आली असून तो हवालामार्फत या सात जणांच्या संपर्कात असल्याचे समोर आले आहे. नौदलाने रात्री ही मोहीम राबवली. त्यानंतर ही विशेष मोहीम राष्ट्रीय तपास यंत्रणेकडे सोपवण्यात आली. नौदलाने या कारवाईला 'ऑपरेशन डॉलफिन नोज' असे नाव दिले होते.