भारतात लपून बसलेल्या पाकिस्तानी हँडलरांना पैसे पुरवणाऱ्या 28 वर्षीय तरुणाला महाराष्ट्र आणि यूपी एटीएसने पुण्यातून अटक केली आहे. रमेश शाह असं या आरोपीचं नाव असून उत्तर प्रदेशच्या गोरखपूर येथील टेरर फंडिगमधील तो मुख्य आरोपी आहे. यापूर्वी त्याच्या सहा सहकाऱ्यांना एटीएसने अटक केली आहे.
काय आहे प्रकार?
उत्तरप्रदेशच्या कानपूर परिसरातून काही पाकिस्तानी एंजटला मोठ्या प्रमाणात पैसे पुरवले जात असल्याची माहिती यूपी एटीएसला मिळाला होती. हे पैसे भारतात दहशती कारवायांसाठी वापरलं जाणार होतं. त्यानुसार यूपी एटीएस काही संशयितांवर नजर ठेवून होते. याचदरम्यान 24 मार्च 2018 ला पाकिस्तानी हँडलरच्या खात्यांमध्ये मोठ्या प्रमाणात रक्कम जमा झाल्याचं लक्षात येताच यूपी एटीएसने मुकेश प्रसाद, निखिल राय उर्फ मुश्शरफ अन्सारी, दयानंद यादव, नसीम अहमद आणि नईम अहमद यांना अटक केली. या आरोपींच्या चौकशीतून रमेश शाह याचं नाव पुढे आलं.
कोण आहे रमेश शाह?
रमेश शाह हा मूळचा बिहारच्या हजियापूर कैथोलिया येथील गोपाळ गंजचा रहिवासी आहे. मात्र उत्तर प्रदेशमधील गोरखपूरमध्ये त्याने सत्यम शॉपिंग मार्ट हा कपड्याचा व्यवसाय काही वर्षांपूर्वी सुरू केला होता. मागील अनेक दिवसांपासून देशविरोधी कारवाया करणाऱ्याच्या शाह संपर्कात होता. त्या सहा जणांना रमेशनेच पैसे पाठवल्याचं निश्चित झाल्यानंतर एटीएसचे अधिकारी शाहच्या शोधात होते.
असे पुरवायचा पैसे
परदेशातून व्यवसायाच्या नावाखाली मोठ्या प्रमाणात पैसा रमेशच्या खात्यावर जमा व्हायचा. हा पैसा आपल्या साथीदारांच्यामार्फत रमेश पाकिस्तानी हँडलरच्या विविध खात्यांमध्ये जमा करायचा. आतापर्यंत रमेशने जम्मू काश्मीर, केरळ, महाराष्ट्रासह इतर राज्यांमध्ये कोट्यवधी रुपये पाकिस्तानी हँडलरपर्यंत पोहचवले आहेत. पैसे खात्यात पोहचल्याची माहिती मुकेश रमेशला द्यायचा.
एटीएस मागावर असल्याचं लक्षात आल्यानंतर रमेश हा पुण्यात मुकेश याच्यासोबत भाड्याने रहात होता. यातील काही पैसा त्याने स्वत:च्या व्यवसायातही गुंतवला असल्याचं तपासातून पुढे आलं आहे. यासह रमेशला संगणकीय माहिती असल्यानं अनेक बनावट कागदपत्र तो स्वत:च तयार करत असे. त्यामुळे पैशांचे व्यवहार रमेश व्यतिरित्त कुणालाही माहीत नव्हतं.
एटीएसने केली कारवाई
रमेश पुण्यात लपून बसला असल्याची माहिती मिळाल्यानंतर महाराष्ट्र एटीएस आणि यूपी एटीएसने केलेल्या संयुक्त कारवाईत रमेशला अटक केली आहे. रमेशच्या अटकेमुळे पाकिस्तानने भारतात पेरलेल्या पाकिस्तान हँडलरचा लवकरच पर्दाफाश होणार आहे. यापूर्वीही अशा प्रकारे पाकिस्तानी हँडलरला पैसे पुरवणाऱ्या दोन एजंटला मुंबईच्या आग्रीपाडा परिसरातून मे 2017 मध्ये अटक करण्यात आली होती.
भारतात लपून बसलेल्या पाकिस्तानी हँडलरांना पैसे पुरवणाऱ्या 28 वर्षीय तरुणाला महाराष्ट्र आणि यूपी एटीएसने पुण्यातून अटक केली आहे. रमेश शाह असं या आरोपीचं नाव असून उत्तर प्रदेशच्या गोरखपूर येथील टेरर फंडिगमधील तो मुख्य आरोपी आहे. यापूर्वी त्याच्या सहा सहकाऱ्यांना एटीएसने अटक केली आहे.
काय आहे प्रकार?
उत्तरप्रदेशच्या कानपूर परिसरातून काही पाकिस्तानी एंजटला मोठ्या प्रमाणात पैसे पुरवले जात असल्याची माहिती यूपी एटीएसला मिळाला होती. हे पैसे भारतात दहशती कारवायांसाठी वापरलं जाणार होतं. त्यानुसार यूपी एटीएस काही संशयितांवर नजर ठेवून होते. याचदरम्यान 24 मार्च 2018 ला पाकिस्तानी हँडलरच्या खात्यांमध्ये मोठ्या प्रमाणात रक्कम जमा झाल्याचं लक्षात येताच यूपी एटीएसने मुकेश प्रसाद, निखिल राय उर्फ मुश्शरफ अन्सारी, दयानंद यादव, नसीम अहमद आणि नईम अहमद यांना अटक केली. या आरोपींच्या चौकशीतून रमेश शाह याचं नाव पुढे आलं.
कोण आहे रमेश शाह?
रमेश शाह हा मूळचा बिहारच्या हजियापूर कैथोलिया येथील गोपाळ गंजचा रहिवासी आहे. मात्र उत्तर प्रदेशमधील गोरखपूरमध्ये त्याने सत्यम शॉपिंग मार्ट हा कपड्याचा व्यवसाय काही वर्षांपूर्वी सुरू केला होता. मागील अनेक दिवसांपासून देशविरोधी कारवाया करणाऱ्याच्या शाह संपर्कात होता. त्या सहा जणांना रमेशनेच पैसे पाठवल्याचं निश्चित झाल्यानंतर एटीएसचे अधिकारी शाहच्या शोधात होते.
असे पुरवायचा पैसे
परदेशातून व्यवसायाच्या नावाखाली मोठ्या प्रमाणात पैसा रमेशच्या खात्यावर जमा व्हायचा. हा पैसा आपल्या साथीदारांच्यामार्फत रमेश पाकिस्तानी हँडलरच्या विविध खात्यांमध्ये जमा करायचा. आतापर्यंत रमेशने जम्मू काश्मीर, केरळ, महाराष्ट्रासह इतर राज्यांमध्ये कोट्यवधी रुपये पाकिस्तानी हँडलरपर्यंत पोहचवले आहेत. पैसे खात्यात पोहचल्याची माहिती मुकेश रमेशला द्यायचा.
एटीएस मागावर असल्याचं लक्षात आल्यानंतर रमेश हा पुण्यात मुकेश याच्यासोबत भाड्याने रहात होता. यातील काही पैसा त्याने स्वत:च्या व्यवसायातही गुंतवला असल्याचं तपासातून पुढे आलं आहे. यासह रमेशला संगणकीय माहिती असल्यानं अनेक बनावट कागदपत्र तो स्वत:च तयार करत असे. त्यामुळे पैशांचे व्यवहार रमेश व्यतिरित्त कुणालाही माहीत नव्हतं.
एटीएसने केली कारवाई
रमेश पुण्यात लपून बसला असल्याची माहिती मिळाल्यानंतर महाराष्ट्र एटीएस आणि यूपी एटीएसने केलेल्या संयुक्त कारवाईत रमेशला अटक केली आहे. रमेशच्या अटकेमुळे पाकिस्तानने भारतात पेरलेल्या पाकिस्तान हँडलरचा लवकरच पर्दाफाश होणार आहे. यापूर्वीही अशा प्रकारे पाकिस्तानी हँडलरला पैसे पुरवणाऱ्या दोन एजंटला मुंबईच्या आग्रीपाडा परिसरातून मे 2017 मध्ये अटक करण्यात आली होती.