दहावीच्या विद्यार्थ्यांची प्रतीक्षा संपली, पुस्तकं विक्रीसाठी उपलब्ध

गेल्या अनेक दिवसांपासून पाठ्यपुस्तकांच्या प्रतिक्षेत असलेल्या दहावीच्या विद्यार्थ्यांची प्रतीक्षा अखेर संपली आहे. महाराष्ट्र राज्य पाठ्यपुस्तक निर्मिती आणि अभ्यासक्रम संशोधन मंडळा (बालभारती)तर्फे दहावीची नवीन पाठ्यपुस्तकं मंगळवार ३ एप्रिलपासून राज्यभर विक्रीसाठी उपलब्ध करून देण्यात आल्या आहेत.

जीएसटीचा पुस्तकांवरही परिणाम

बाजारात उपलब्ध झालेल्या दहावीच्या नवीन पाठ्यपुस्तकांच्या किमतींमध्ये वाढ करण्यात आली आहे. कागदांची वाढलेली किंमत आणि जीएसटी यामुळे प्रत्येक पुस्तकांच्या किंमतीमध्ये वाढ झाल्याचं बोललं जात आहे.

पुस्तकांच्या किमती वाढल्या

१०वीसह 'या' अभ्यासक्रमात बदल

यावर्षीपासून इयत्ता १०वी बरोबरच ८वी आणि पहिलीच्या विद्यार्थ्यांच्या अभ्यासक्रमामध्ये बदल करण्यात आला आहे. इयत्ता पहिली आणि ८वीची पुस्तकं कधीपर्यंत उपलब्ध होतील? याबद्दल बालभारतीकडून अद्याप कोणतंही स्पष्टीकरण देण्यात आलेलं नाही. दरम्यान १०वी, ८वी आणि पहिलीचा बदलेल्या अभ्यासक्रमात नेमकं काय नवीन आहे, याची उत्सुकता विद्यार्थ्यांसह, शिक्षक आणि पालकांनाही लागून राहिली आहे.