इंटरनॅशनल टेंपल्स कन्व्हेन्शन अँड एक्स्पो (ITCX)च्या अभूतपूर्व यशानंतर, टेंपल कनेक्टने टेंपल मॅनेजमेंटमध्ये (temple management) देशातील पहिला पदव्युत्तर डिप्लोमा कार्यक्रम सुरू केला आहे. या नाविन्यपूर्ण अभ्यासक्रमाच्या पहिल्या सत्राची सुरुवात मुंबई (mumbai) विद्यापीठ (mumbai university) आणि वेलिंगकर इन्स्टिट्यूटमध्ये झाली आहे. तसेच सावित्रीबाई फुले पुणे (pune) विद्यापीठात सत्राच्या पुढील योजना आखण्यात आल्या आहेत.

यात तीन महिन्यांचे वर्ग प्रशिक्षण आहे, ज्यामध्ये 20 हून अधिक सत्र आहेत. तसेच यात विविध नामांकित मंदिरांमध्ये आणखी तीन महिन्यांची इंटर्नशिप देखील समाविष्ट आहे. या पदव्युत्तर डिप्लोमासाठी अनुभवी शिक्षकांना नियुक्त केले आहे, ज्यांना मंदिराच्या कामकाजाचा पुरेसा व्यावहारिक अनुभव आहे.

प्रवेशाच्या निकषांमध्ये अर्जदारांनी मान्यताप्राप्त विद्यापीठातून पदवीधर असणे आवश्यक आहे. उमेदवारांना एकतर मंदिर प्रशासनाची पार्श्वभूमी असणे आवश्यक आहे. तसेच त्यांच्याशी जवळचा संबंध असणे आवश्यक आहे किंवा विविध विद्यमान मंदिरांमध्ये इंटर्नशिपद्वारे व्यावहारिक अनुभव घेणे आवश्यक आहे.

भारतातील अनेक मंदिरे या अभ्यासक्रमात सहभागी होणाऱ्या विद्यार्थ्यांना शिष्यवृत्ती देऊन या उपक्रमाला सक्रियपणे पाठिंबा देत आहेत. त्यांनी आर्थिक सहाय्याची आवश्यकता असलेल्या विद्यार्थ्यांसाठी शिष्यवृत्ती निधीची देखील स्थापना केली आहे.

मुंबई विद्यापीठाचे रवींद्र सांगुर्डे म्हणाले, “हा कार्यक्रम मंदिर व्यवस्थापनाच्या दिशेने एक अग्रगण्य पाऊल आहे. आम्ही मंदिर व्यवस्थापनाचे भविष्य घडवत आहोत. हा अभ्यासक्रम विद्यार्थ्यांना नवनवीन शोध घेण्यास सक्षम करेल. आम्ही प्रगत कौशल्ये आणि मंदिराच्या कामकाजाच्या आर्थिक, सामाजिक आणि सांस्कृतिक परिणामांचे विस्तृत ज्ञान विद्यार्थ्यांना शिकवणार आहोत.”

तसेच छत्तीसगड, गुजरात, गोवा, झारखंड, मध्यप्रदेश आणि यूपी या प्रमुख राज्यांमध्ये, तसेच वाराणसी, नोएडा, दिल्ली, हरिद्वार आणि अधिकसह प्रमुख शहरांमध्ये हा कार्यक्रम सुरू करण्यासाठी 19 इतर सरकारी  विद्यापीठे आणि खाजगी संस्थांशी चर्चा सुरू आहे.

हेही वाचा

अंधेरीत महिलेचा नाल्यात पडून मृत्यू

अजिंक्य रहाणेच्या स्पोर्ट्स अकादमीसाठी वांद्रेतील भूखंड भाड्याने