मुंबई विद्यापीठाच्या निकाल गोंधळानंतर पुढचे निकाल वेळेवर लावण्यात विद्यापीठाला अखेर यश आले आहे. मुंबई विद्यापीठाने सोमवारी रात्री तृतीय वर्ष बी कॉम सेमिस्टर ५ व ६ या परीक्षांचा निकाल जाहीर केला. सेमिस्टर ५ व ६ या दोन्ही परीक्षा मिळून विद्यापीठाने एकूण ९४,७४७ विद्यार्थ्यांचा निकाल जाहीर केला आहे.
टी वाय बी कॉम सेमिस्टर पाचच्या या परीक्षेला एकूण ७८,५९४ विद्यार्थी बसले होते. सदरचा निकाल ६२% लागलेला आहे. ग्रेड ओ - ३००७, ग्रेड ए - १६११४, ग्रेड बी- १२५८३ तर ग्रेड सी - ८९६७ विद्यार्थ्यांनी मिळवल्या आहेत.
याचबरोबर विद्यापीठाने तृतीय वर्ष बी कॉम सेमिस्टर सहाचाही निकाल जाहीर केला असून या परीक्षेला १६,१५३ विद्यार्थी बसले होते. हा निकाल ४५.२४% लागला आहे. आजपर्यंत २१० निकाल विद्यापीठाने जाहीर केले आहेत.
तृतीय वर्ष बी कॉमचा निकाल अचूक व निर्दोष लावणे ही एक कसोटी होती. हा निकाल अचूक लावण्यासाठी व कोणताही विद्यार्थी कोणत्याही कारणास्तव राखीव राहू नये यासाठी यावेळी विशेष काळजी घेण्यात आली. यामुळेच ९४,७४७ विद्यार्थ्यांचे निकाल अचूकपणे लावण्यात विद्यापीठाला यश आले.
अर्जुन घाटुळे, संचालक, परीक्षा व मूल्यमापन मंडळ
हेही वाचा
एवढं झालं तरी...मुंबई विद्यापीठाच्या प्रवेशांत वाढ!
Share
Tweet
