भायखळा- सगळीकडे गणपती उत्सवाची धूम आहे. गणपतीवर सगळ्यांचीच श्रद्धा असते. मग त्यात कलाकार मंडळी तरी कसे मागे राहतील. शनिवारी बॉलीवुड अभिनेता अभिषेक आणि अभिनेत्री ऐश्वर्या राय-बच्चन यांनी भायखळा परिसरातल्या माणकेश्वर गणपतीचे दर्शन घेतले. यावेळी दोघांनी गणपतीची आरतीही केली. बाप्पाच्या दर्शनासाठी एकीकडे अभषेक-ऐश्वर्या हजर झाले होते, तर त्यांना पहाण्यासाठी त्यांच्या चाहत्यांनी मोठी गर्दी केली होती. त्यामुळे गर्दीला आवरताना मंडळ कार्यकर्ते आणि पोलिसांच्या नाकी नऊ आल्याचं पहायला मिळालं.