बृहन्मुंबई महानगरपालिकेच्या (brihanmumbai municipal corporation) उपअभियंत्यांनी नुकतीच मुंबईतील (bmc) सर्व 24 प्रशासकीय प्रभागांची पाहणी केली. या पाहणीत त्यांना अनेक नियम धाब्यावर बसवले जात असल्याचे आढळून आले.
बांधकाम व्यावसायिक बांधकामाचा भंगार वाहून नेणाऱ्या वाहनांची चाके धुत नव्हते. तसेच अनेक ठिकाणी धूळ नियंत्रणासाठी पाण्याचे स्प्रिंकलरही नव्हते. इतकेच नाही तर काही साइट्सवि लोखंडी पत्रके किंवा ताडपत्रींनी सामग्री झाकण्याचा अयशस्वी प्रयत्न केला होता.
वायू प्रदूषण कमी करण्याच्या 29 महत्त्वाच्या नियमांचे उल्लंघन करणाऱ्या 437 बांधकाम साइट्स अधिकाऱ्यांना आढळून आल्या. महापालिकेने या साइट्सना नियमांचे पालन करण्यासाठी सात दिवसांची मुदत दिली आहे.
तरीही नियमांचे उल्लंघन केल्याचे आढळून आल्यास तीन दिवसांची अंतिम सूचना दिली जाईल. यानंतर, सर्व नियमांची अंमलबजावणी होईपर्यंत साइटवरील काम थांबवण्यात येईल.
सांताक्रूझ पूर्वेला सर्वाधिक 58 साईट्सना नोटीस मिळाली आहे. त्यापाठोपाठ मालाडमध्ये 49 आणि भांडुपमध्ये 38 साईट्सना नोटीस मिळाली आहे.
अहवालानुसार, बांधकाम साइटवरील धूळ, रस्त्यावरील धूळ आणि इंधन जाळल्यामुळे मुंबईतील हवेची गुणवत्ता (air quality) नोव्हेंबर ते फेब्रुवारी दरम्यान खराब होते. पावसाळ्यानंतर वाऱ्याचे स्वरूप बदलल्यानंतर समस्या अधिकच बिकट होते.
या समस्येला सामोरे जाण्यासाठी, महापालिकेने ऑक्टोबर 2023 मध्ये धूळ कमी करण्याची योजना आणली. त्यात हवेची गुणवत्ता सुधारण्याच्या उद्देशाने बांधकाम साइटसाठी 29 नियम समाविष्ट आहेत.
नोव्हेंबरमध्ये 60,000 हून अधिक पालिका अधिकारी आणि कर्मचारी निवडणूक कर्तव्यात व्यस्त असल्यामुळे तपासणीस विलंब झाला. निवडणुका संपल्याबरोबर, तपासणी पुन्हा सुरू झाली आहे. शहरातील प्रदूषणाची (air pollution) पातळी (AQI) कमी करण्याचे उद्दिष्ट आहे.
हेही वाचा