मुंबईत (mumbai) रविवारी सकाळपासून सुरू असलेला मुसळधार पाऊस संध्याकाळी कमी झाला. त्यानंतर, मध्यरात्रीच्या सुमारास पुन्हा पाऊस सुरू झाला.
बृहन्मुंबई महानगरपालिकेच्या (brihanmumbai municipal corporation) स्वयंचलित पर्जन्यमापकानुसार, रविवारी सकाळी 8 ते सोमवारी सकाळी 8 या २४ तासांच्या कालावधीत 14 ठिकाणी 100 मिमी पेक्षा जास्त पाऊस पडला.
यावेळेस दहिसरमधील (dahisar) तारे म्युनिसिपल स्कूलमध्ये सर्वाधिक 142 मिमी पाऊस पडला. गेल्या काही दिवसांपासून अधूनमधून कोसळणाऱ्या पावसाची तीव्रता शनिवारी मध्यरात्रीपासून वाढली.
रविवारी संध्याकाळी पावसाची तीव्रता कमी झाली. रविवारी सकाळी 8 ते सायंकाळी 6 या 10 तासांच्या कालावधीत मुंबईतील तीन ठिकाणी 100 मिमी पेक्षा जास्त पाऊस पडला.
हवामान खात्याच्या सांताक्रूझ केंद्रात 77.5 मिमी, तर कुलाबा केंद्रात 101.2 मिमी पावसाची नोंद झाली आहे.
तसेच, महानगरपालिकेच्या (bmc) स्वयंचलित पर्जन्यमापकानुसार, मुंबई शहरात 74.85 मिमी, पश्चिम उपनगरात 99.44 मिमी आणि पूर्व उपनगरात 77.89 मिमी पावसाची नोंद झाली.
24 तासांत सर्वाधिक म्हणजे 142 मिमी पाऊस पश्चिम उपनगरातील दहिसर येथील तारे म्युनिसिपल स्कूलमध्ये पडला. त्यानंतर बोरिवली अग्निशमन केंद्रात 141 मिमी, दिंडोशी अग्निशमन केंद्रात 140 मिमी आणि मागाठाणे बस डेपोमध्ये 139 मिमी पाऊस पडला.
दरम्यान, मुसळधार पावसामुळे (rainfall) शहर आणि दोन्ही उपनगरांमध्ये झाडे आणि झाडांच्या फांद्या कोसळण्याच्या घटना घडल्या.
तसेच, शहरात 1 ठिकाणी आणि पूर्व उपनगरात 2 ठिकाणी घरे, भिंती आणि घरांचे काही भाग कोसळण्याच्या घटना घडल्या. त्यानंतर, महानगरपालिकेने संबंधित विभागांना माहिती दिली आणि मदत कार्य सुरू केले.
दरम्यान, शहरात 4, पूर्व उपनगरात 3 आणि पश्चिम उपनगरात 4 असे एकूण 11 शॉर्ट सर्किट झाले. सुदैवाने, या अपघातांमध्ये कोणीही जखमी झाले नाही.
गेल्या 24 तासांत सर्वाधिक पाऊस पडलेली ठिकाणे (मिलीमीटरमध्ये):
हेही वाचा
Share
Tweet
