वांद्रे कुर्ला संकुलातील प्रस्तावित नवीन मेट्रो मार्गामुळे पादचाऱ्यांची संख्या वाढणं अपेक्षित असल्याने जंक्शनदरम्यानच्या रस्त्यांवर सुरक्षित सायकल ट्रॅक, वर्दळमुक्त पादचारी क्षेत्र इत्यादी सुविधा मुंबई महानगर विकास प्राधिकरणा (mmrda)कडून उभारण्यात येत आहेत. याचप्रकारे मुंबईतील महत्त्वांच्या मार्गांवर पुढील ५ वर्षांत सायकल ट्रॅक तयार करण्यात येतील, अशी माहिती राज्याचे पर्यटनमंत्री आदित्य ठाकरे यांनी दिली.
एमएमआरडीएच्या वांद्रे येथील कलानगर जंक्शन उड्डाणपुलाच्या एका मार्गिकेचं उद्घाटन, शिवडी ते वरळी उन्नत मार्ग प्रकल्पाचं भूमिपूजन,बीकेसी सायकल ट्रॅक व पथदर्शी पदपथाचं लोकार्पण तसंच स्मार्ट वाहनतळाचं उद्घाटन उद्धव ठाकरे (uddhav thackeray) यांच्या हस्ते झालं. यावेळी ते बोलत होते.
यावेळी पर्यटनमंत्री आदित्य ठाकरे म्हणाले, मुंबईतील वाहतूक व्यवस्था सुधारण्यासाठी विशेष नियोजन करण्यात येत आहे. यासाठी अत्याधुनिक तंत्रज्ञान व सुविधांचा वापर करण्यात येत आहे. चालणाऱ्यांसाठी पदपथ महत्त्वाचे असतात. त्याचीही उभारणी करण्यात येत आहे. सायकल ट्रॅकही उभारण्यात येणार आहे. याचप्रकारे आणखी एक सायकल ट्रॅक पश्चिम द्रुतगती मार्गावर (WEH) देखील बनवण्यात येणार असल्याची माहिती त्यांनी दिली.
एमएमआरडीए आणि मुंबई महापालिका (bmc) एकत्रितपणे एस.व्ही. रोड, जोगेश्वरी-विक्रोळी लिंक रोड, पश्चिम द्रुतगती महामार्ग, एलबीएस रोड या शहरांतील मुख्य रस्त्यांवर पुढील ५ वर्षांत विविध सोयी उभारणार असल्याचं आदित्य ठाकरे यांनी स्पष्ट केलं.
हेही वाचा- मुंबईचा सुनियोजित विकास करणार- उद्धव ठाकरे
एमएमआरडीएची मुंबईत होत असलेली पायाभूत सुविधांची कामे आव्हानात्मक आहेत. कारण यातील अनेक कामे दाट लोकवस्तीत होत आहेत. या कामांमुळे स्थलांतरित होत असलेल्यांचं पुनर्वसन याच भागात करण्यावर भर देण्यात येत आहे. नागरिकांना ‘इज आँफ लिव्हिंग’चा अनुभव घेता आला पाहिजे या दृष्टीने पर्यावरणाचं रक्षण करत या सर्व पायाभूत सुविधांची उभारणी करण्यात येत असल्याचं आदित्य ठाकरे (aaditya thackeray) यांनी सांगितलं.
वांद्रे- कुर्ला संकुलातील जी-ब्लॉकमध्ये पदपथ व जंक्शन
हेही वाचा- एसआरएची घरं ५ वर्षानंतर विकता येणार