सध्या मराठीसोबतच हिंदी चित्रपटसृष्टीतही नशीब आजमावणारी अभिनेत्री स्मिता तांबे आता ‘माय नेम इज शीला’ असं म्हणत पुन्हा एकदा एका हिंदी शोमध्ये शीर्षक भूमिकेत झळकणार आहे.
आजवरच्या अभिनय कारकिर्दीत स्मितानं नाना तऱ्हेच्या भूमिका साकारल्या आहेत. राष्ट्रीय पारितोषिक विजेता ‘जोगवा’, ‘देऊळ’, ‘तुकाराम’, ’७२ मैल’, ‘बायोस्कोप’ या चित्रपटांमध्ये अभिनयाचे विविध रंग दाखवणाऱ्या स्मितानं रोहित शेट्टीच्या ‘सिंघम रिटर्न’मध्ये महत्त्वाची भूमिका बजावली होती. त्यानंतर अलिकडेच प्रदर्शित झालेल्या ‘सावट’मध्ये तिनं साकारलेली डॅशिंग पोलिस अधिकारीही लक्ष वेधून घेणारी ठरली होती. आता ती ‘माय नेम इज शीला’मध्ये शीलाची भूमिका साकारताना दिसणार आहे.
सध्या शार्ट फारमॅट कंटेंट लोकप्रिय होत असल्यानं इरास नाऊनंही आपलं लक्ष अशाच प्रकारच्या शोजवर केंद्रित केलं आहे. ‘डेट गान राँग’, ‘पैसा फेक तमाशा देख’ आणि ‘तुमसे ना हो पाएगा’ या कार्यक्रमांची निर्मिती केली आहे. याच वाटेवरील ‘माय नेम इज शीला’ या आगामी शोचा ट्रेलर लाँच इरासनं केला आहे. या शोची कथा शीला नावाच्या मोलकरणीवर आधारित असून, हिला सोशल मीडियावर स्टार बनायचं आहे. या शोमध्ये शीलाच्या भूमिकेत स्मिता दिसणार आहे.
हेही वाचा -
विठूराया १२ बलुतेदारांच्या रुपात देणार दर्शन
नवाज-मौनीच्या ‘बोले चुडीयां’चं पोस्टर
Share
Tweet
