कोरोनाव्हायरसचा सर्वाधिक फटका हा मुंबईतल्या जसलोक हॉस्पीटलला बसला आहे. जसलोकमध्ये वैद्यकीय विभागातील ३० कर्मचाऱ्यांच्या COVID 19 च्या चाचण्या पॉझिटिव्ह आल्या आहेत. १ एप्रिल रोजी हॉस्पीटलमधील २ नर्सेसच्या कोरोना चाचण्या पॉझिटिव्ह आल्या होत्या. त्यानंतरच हॉस्पीटलमधल्या वैद्यकिय विभागातील डॉक्टर्स आणि नर्सच्या चाचण्या घेण्यात आल्या होत्या.

हॉस्पीटलमधील २ नर्स पॉझिटिव्ह आल्यानंतर जवळपास १ हजार ६०० कर्मचार्‍यांच्या टाटण्या घेण्यात आल्या होत्या. यातील अधिकांच्या चाचण्या नेगेटिव्ह आल्या. तर काहींच्या पॉझिटिव्ह आल्या. त्यानंतर आणखी काहींच्या चाचण्या घेण्यात आल्या होत्या. त्यापैकी ३० जणांच्या चाचण्या पॉझिटिव्ह आल्या. यामुळे जसलोकमधील एकूण पॉझिटव्ह रुग्णांची संख्या ५६ वर गेली आहे. ज्यांची नकारात्मक चाचणी आली त्यांना व्हीटी जवळील हॉस्पिटलच्या वसतिगृहात क्वारंटाईन करण्यात आलं आहे.

रुग्णालयानं एक निवेदन जारी केलं आहे की, “जेव्हा पहिल्या प्रकरणात सकारात्मक चाचणी घेण्यात आली तेव्हापासून, जसलोक रुग्णालयानं संपर्कात आलेल्या कर्मचार्‍यांची चौकशी केली. व्हीटीजवळील आमच्या हॉस्टेल, पेरेग्रीन इथं त्यांची चौकशी करण्यात आली. महानगरपालिकेनं हे वसतिगृह कंटेन्टमेंट झोन म्हणून जाहीर केलं होतं. त्यानंतर या सर्वांची चाचणी घेण्यात आली आणि ती नकारात्मक आढळली. खबरदारीच्या कारणावरून जसलोकनं पहिल्या आढळलेल्या रुग्णांनंतर आपलं कामकाज स्थगित केलं होतं.”

गेल्या काही दिवसांपूर्वी तारदेओ हॉस्पिटलमध्ये काही जण बरे झाले आहेत. ८ एप्रिल रोजी रुग्णालयातील ३६ कर्मचार्‍यांची तपासणी सकारात्मक झाली आणि रुग्णालयाला कंटेन्टमेंट झोन म्हणून वर्गीकृत केलं गेलं आहे. अलीकडेच ब्रीच कँडी रूग्णालयात सुमारे ४ कर्मचार्‍यांची चाचणी पॉझिटिव्ह आढळली. तर खबरदारी म्हणून हॉस्पीटलमधल्या १८० कर्मचाऱ्यांची चाचणी करण्यात आली आहे. त्यांचे चाचणीचे निकाल येणं बाकी आहे.

परिचारिका आणि आरोग्यसेवा अधिकाऱ्यांसारख्या आघाडीच्या कामगारांमध्ये या व्हायरसचा अधिक धोका आहे. मुंबईच्या रूग्णालयातील कर्मचार्‍यांनी अलीकडेच दर्जेदार पीपीई नसल्याचा निषेध केला होता. COVID १९ नं ग्रस्त रुग्णाचा मत्यू झाल्यानंतर हा निषेध केला गेला.

---

हेही वाचा

मुंबईत ३०३२ कोरोना रुग्ण, महाराष्ट्रात आढळले ४६६ नवे रुग्ण