राज्यात सोमवारी कोरोनाचे नवीन ६ हजार १७ रुग्ण आढळले. तर १३ हजार ५१ रूग्ण बरे झाले आहेत. तसंच ६६ रूग्णांचा मृत्यू झाला आहे.
राज्यात आतापर्यंत एकूण ५९,९३,४०१ रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण (रिकव्हरी रेट) ९६.३५ टक्के एवढे झाले आहे. तर, सध्या राज्यातील मृत्यूदर २.०४ टक्के एवढा आहे.
आजपर्यंत तपासण्यात आलेल्या ४, ५६, ४८, ८९८ प्रयोगशाळा नमुन्यांपैकी ६२,२०,२०७ (१३.६३ टक्के) नमुने पॉझिटिव्ह आले आहेत. सध्या राज्यात ५,६१,७९६ व्यक्ती होमक्वारंटाईनमध्ये आहेत तर ४,०५२ व्यक्ती संस्थात्मक क्वारंटाईनमध्ये आहेत. राज्यात आज रोजी एकूण ९६,३७५ ॲक्टिव्ह रुग्ण आहेत.
मुंबई महापालिका क्षेत्रात ४०२ नवीन रुग्णांची भर पडली आहे. तर ५७७ रुग्ण बरे होऊन घरी परतले आहेत. तर १४ रुग्ण दगावले असून आतापर्यंत १५ हजार ७१६ रुग्णांचा मृत्यू झाला आहे. मुंबईतील अॅक्टिव्ह रुग्णांची संख्या ६ हजार ३४९ आहे.
राज्यातील जिल्हा आणि मनपानिहाय रुग्णांचा तपशील
Share
Tweet
