Advertisement

महाराष्ट्रातील कोरोनाबाधित बालरूग्णांचं प्रमाण स्थिर

कोरोनाला बळी पडलेल्या १८ वर्षांखालील मुलांचं प्रमाण मे २०२१ मध्ये सुमारे ०.०७ टक्के इतकं आहे. यावरून लहान मुलांमध्ये या आजाराचं प्रमाण कमी असल्याचे निदर्शनास आलं आहे.

महाराष्ट्रातील कोरोनाबाधित बालरूग्णांचं प्रमाण स्थिर
SHARES

महाराष्ट्रात (maharashtra) गेल्या ६ महिन्यात आढळलेल्या कोरोना रुग्णांच्या आकडेवारीचे विश्लेषण केलं असता लहान मुलांमध्ये कोरोनाचा संसर्ग होण्याच्या प्रमाणात फारसा बदल आढळून आला नाही, असं आरोग्य विभागाने स्पष्ट केलं आहे.

कोरोनाला बळी पडलेल्या १८ वर्षांखालील मुलांचं प्रमाण मे २०२१ मध्ये सुमारे ०.०७ टक्के इतकं आहे. यावरून लहान मुलांमध्ये या आजाराचं प्रमाण कमी असल्याचे निदर्शनास आलं आहे.

राष्ट्रीय पातळीवरील सल्लागारांनी तिसऱ्या लाटेत बालकांना मोठ्या प्रमाणावर संसर्ग होणार असल्याचा अंदाज वर्तवला आहे. त्यामुळे राज्य शासनाने राज्यस्तरीय बालरोगतज्ज्ञांचा टास्क फोर्स स्थापन केला आहे. त्याचबरोबर राज्य सरकार बालकांवरील उपचारांच्या दृष्टीने रुग्णालयस्तरावर पायाभूत सुविधा, यंत्रणा उभारण्यासाठी आवश्यक ती पूर्वतयारी करीत असल्याचं आरोग्य विभागाचे अपर मुख्य सचिव डॉ. प्रदीप व्यास यांनी सांगितलं.

हेही वाचा- आता रस्त्यावर थुंकल्यास १२०० रुपये दंड; महापालिकेचा निर्णय

कोरोना संसर्गित मुलांचं प्रमाण:

नोव्हेंबर २०२० ते एप्रिल २०२१ या दरम्यान वयोगटानुसार बाधितांचं प्रमाण असं आहे – शून्य ते पाच १.३ टक्के, सहा ते अकरा वर्षे २.४ टक्के, बारा ते सतरा ४.१ टक्के, एकूण ७.८ टक्के.

नोव्हेंबर २०२० (वयोगट शून्य ते पाच वर्षे १.३ टक्के, सहा ते अकरा वर्षे २.१ टक्के, बारा ते सतरा वर्षे ३.५ टक्के, एकूण ६.९ टक्के)

डिसेंबर २०२० (वयोगट शून्य ते पाच वर्षे १.१ टक्के, सहा ते अकरा वर्षे १.९ टक्के , बारा ते सतरा वर्षे ३.३ टक्के, एकूण ६.३ टक्के)

जानेवारी २०२१ (वयोगट शून्य ते पाच वर्षे १.१ टक्के, सहा ते अकरा वर्षे १.७ टक्के, बारा ते सतरा वर्षे ३.२ टक्के, एकूण ६.० टक्के)

फेब्रुवारी २०२१ (शून्य ते पाच वर्षे १.१८ टक्के, सहा ते अकरा वर्षे २.०० टक्के, बारा ते सतरा वर्षे ४.०८ टक्के, एकूण ७.२६ टक्के)

मार्च २०२१ (शून्य ते पाच वर्षे १.१० टक्के, सहा ते अकरा वर्षे २.०४ टक्के, बारा ते सतरा वर्षे ३.६४ टक्के, एकूण ६.७८ टक्के)

एप्रिल २०२१ (वयोगट शून्य ते पाच वर्षे १.४२ टक्के, सहा ते अकरा वर्षे २.६२ टक्के, बारा ते सतरा वर्षे ४.३४ टक्के, एकूण ८.३८ टक्के) या आकडेवारीवरून हे स्पष्ट दिसून येतं की कोरोना संसर्गित बालकांचं प्रमाण गेल्या ६ महिन्यात जवळपास तेवढंच राहिलं आहे.

अहमदनगर जिल्ह्यातील संसर्गाची स्थिती काहीशी अशीच आहे. मार्च २०२१ मध्ये (शून्य ते पाच वर्षे वयोगटात १८८ रुग्ण होतं, ते एकूण रुग्णांच्या १.०१ टक्के होते, सहा ते दहा वर्षे वयोगटातील २७० रुग्ण, एकूण प्रमाण १.४५ टक्के, अकरा ते अठरा वर्षे वयोगटात ११७३ रुग्ण, एकूणात प्रमाण ६.२८ टक्के, शून्य ते अठरा वर्षे वयोगटात १६३१ रुग्ण एकूणात प्रमाण ८.७४ टक्के, कोरोनाचे एकूण रुग्ण १८ हजार ६६९)

एप्रिल २०२१ मध्ये (शून्य ते पाच वर्षे वयोगटात ७५७ रुग्ण, एकूण रुग्णांच्या ०.९८ टक्के, सहा ते दहा वर्षे वयोगटात १५१० रुग्ण, एकूणात प्रमाण १.९५ टक्के, अकरा ते अठरा वर्षे वयोगटात ५३४० रुग्ण, एकूणात प्रमाण ६.९० टक्के, शून्य ते अठरा वर्षे वयोगटात ७६०७ रुग्ण एकूणात प्रमाण ९.८३ टक्के, कोरोनाचे (coronavirus) एकूण रुग्ण ७७ हजार ३४४)

मे २०२१ मध्ये (शून्य ते पाच वर्षे वयोगटात १०७६ रुग्ण एकूण रुग्णांच्या १.३३ टक्के, सहा ते दहा वर्षे वयोगटात १९१८ रुग्ण, एकूणात प्रमाण २.३७ टक्के, अकरा ते अठरा वर्षे वयोगटात ६४२२ रुग्ण, एकूणात प्रमाण ७.९५ टक्के, शून्य ते अठरा वर्षे वयोगटात ९४१६ रुग्ण एकूणात प्रमाण ११.६५ टक्के, कोरोनाचे एकूण रुग्ण ८० हजार ७८५)

यावरून हे दिसून येतं की १८ वर्षांखालील मुलांमधे संसर्गाचं प्रमाण साधारणपणं सारखंच आहे. कोरोनाच्या एकूण रुग्णसंख्या वाढीमुळे बालकांच्या संसर्गातील वाढ दिसून आली आहे.

Read this story in English
संबंधित विषय
Advertisement
‘मुंबई लाइव्ह’च्या ताज्या बातम्यांसाठी सब्स्क्राईब करा