मुंबईसह जगभरातील नागरिक कोरोना या संसर्गजन्य रोगामुळे हैराण झाले आहेत. काही दिवसांपूर्वी मुंबईत कोरोनाचा संशयित रुग्ण आढळला होता. त्यावेळी त्याची चाचणी करण्यासाठी त्याला माहिम येथील हिंदुजा रुग्णालयात दाखल करण्यात आल होत. परंतु, आता करोना विषाणूचा संसर्ग झालेल्या पुण्यातील 'त्या' कुटुंबासोबत विमानातून प्रवास केलेल्या मुंबईतील ६ प्रवाशांचा शोध मंगळवारी मुंबई महापालिकेने घेतला. खबरदारीचा उपाय म्हणून या सर्वांना कस्तुरबा रुग्णालयात दाखल करण्यात आले आहे.
वैद्यकीय चाचणी अहवाल बुधवारपर्यंत येणार असल्याची माहिती मिळते. पुण्यातील हे कुटुंब एका खासगी ट्रॅव्हल कंपनीसोबत दुबईला फिरायला गेले होते. परदेशातून प्रवास करून आल्यामुळे त्यांनी पुण्यातील रुग्णालयात आपली तपासणी करून घेतली. त्यावेळी त्यांना करोनाची लागण झाल्याचे निष्पन्न झाले.
पुण्यातील कुटुंबासोबत विमानातून प्रवास केलेल्या मुंबईतील ६ प्रवाशांचाही शोध घेण्यात आला. खबरदारीचा उपाय म्हणून त्यांना कस्तुरबा रुग्णालयात दाखल करण्यात आले आहे. आतापर्यंत करोनासाठी जे देश घोषित केले होते, त्यामध्ये दुबईचा समावेश नव्हता. या संशयित रुग्णांनंतर मात्र या यादीत दुबईहून आलेल्या प्रवाशांचीही तपासणी करण्यात येणार आहे.
मुंबईतील रुग्णालयं सज्ज
Share
Tweet
