एशियन कॅन्सर इन्स्टिट्यूटने एका ३६ वर्षीय स्त्रीवर रोबोटिक शस्त्रक्रियेचं तंत्र वापरून कर्करोगाची लागण झालेलं मूत्रपिंड आणि गर्भाशय योनीमार्गाद्वारे काढलं आहे. डॉक्टरांच्या मते ही खूपच आगळीवेगळी शस्त्रक्रिया आहे.
एशियन कॅन्सर इन्स्टिट्यूटमधील जेनिटुरीनरी आणि गायनॅक आँकोलॉजीस्ट तसंच मिनिमल इन्व्हेजिव आणि रोबोटिक सर्जरी विभागाचे संचालक प्राध्यापक डॉ. जगदीश कुलकर्णी यांनी ही शस्त्रक्रिया केली आहे.
१० सेंटीमीटरहून मोठी गाठ
सीमा शहा (बदललेलं नाव) या ३६ वर्षीय स्त्रीला गेल्या अनेक वर्षांपासून मासिक पाळीदरम्यान अधूनमधून ओटीपोटात वेदना होत होत्या. सीमा यांनी स्त्रीरोगतज्ज्ञांना दाखवलं. त्यानंतर त्यांनी सोनोग्राफी आणि सीटीस्कॅन या तपासण्या करून घेतल्या. त्यावेळी त्यांच्या गर्भाशय आणि मूत्रपिंडाला गाठ (१० सेंटीमीटरहून मोठी) असल्याचं निदान केलं.
अखेर शस्त्रक्रिया यशस्वी
कोणत्याही लक्षणांशिवाय मूत्रपिंडाला गाठ आढळणं, हे त्यांच्यासाठी धक्कादायक होतं. रुग्ण आणि त्यांच्या नातेवाईकांनी डॉ. जगदीश कुलकर्णी यांची भेट घेतली आणि दोन्ही शस्त्रक्रिया करणं कितपत व्यवहार्य आहे, याबद्दल विचारणा केली. याबाबत तपशीलावर चर्चा केल्यानंतर डॉ. कुलकर्णी यांनी रुग्णाचे डावीकडील संपूर्ण मूत्रपिंड आणि गर्भाशय कमीतकमी छेद देऊन रोबोटिक शस्त्रक्रियेच्या तंत्राने काढण्याची तयारी दर्शवली. त्याचप्रमाणे या शस्त्रक्रियेच्या सकारात्मक आणि नकारात्मक बाजूंची माहिती रुग्णांच्या नातेवाईकांना दिली. अखेर कुटुंबियांनीही अशा पद्धतीने शस्त्रक्रिया करून घेण्याचा निर्णय घेतला आणि एका आठवड्यात रुग्ण पूर्ण बरी झाली.
याविषयी एशियन कॅन्सर इन्स्टिट्यूटमधील मिनिमल इन्व्हेजिव आणि रोबोटिक सर्जरी विभागाचे संचालक डॉ. जगदीश कुलकर्णी म्हणाले,'रोबो असिस्टेड शस्त्रक्रियेचा वापर करून आम्ही मूत्रपिंडाचा ऐवज एकत्र केला आणि रुग्णाचे गर्भाशय काढणंही भाग होते, त्यामुळे गर्भाशयासह हा ऐवजही काढला. ही पद्धत वापरल्यामुळे रुग्ण यातून लवकर बरा होतो. पारंपरिक शस्त्रक्रियेच्या तुलनेत अधिक चांगले शारीरिक सौंदर्य राखले जाणे, कमी वेदना, कमी रक्तस्राव होतो.'
एशियन कॅन्सर इन्स्टिट्यूटने एका ३६ वर्षीय स्त्रीवर रोबोटिक शस्त्रक्रियेचं तंत्र वापरून कर्करोगाची लागण झालेलं मूत्रपिंड आणि गर्भाशय योनीमार्गाद्वारे काढलं आहे. डॉक्टरांच्या मते ही खूपच आगळीवेगळी शस्त्रक्रिया आहे.
एशियन कॅन्सर इन्स्टिट्यूटमधील जेनिटुरीनरी आणि गायनॅक आँकोलॉजीस्ट तसंच मिनिमल इन्व्हेजिव आणि रोबोटिक सर्जरी विभागाचे संचालक प्राध्यापक डॉ. जगदीश कुलकर्णी यांनी ही शस्त्रक्रिया केली आहे.
१० सेंटीमीटरहून मोठी गाठ
सीमा शहा (बदललेलं नाव) या ३६ वर्षीय स्त्रीला गेल्या अनेक वर्षांपासून मासिक पाळीदरम्यान अधूनमधून ओटीपोटात वेदना होत होत्या. सीमा यांनी स्त्रीरोगतज्ज्ञांना दाखवलं. त्यानंतर त्यांनी सोनोग्राफी आणि सीटीस्कॅन या तपासण्या करून घेतल्या. त्यावेळी त्यांच्या गर्भाशय आणि मूत्रपिंडाला गाठ (१० सेंटीमीटरहून मोठी) असल्याचं निदान केलं.
अखेर शस्त्रक्रिया यशस्वी
कोणत्याही लक्षणांशिवाय मूत्रपिंडाला गाठ आढळणं, हे त्यांच्यासाठी धक्कादायक होतं. रुग्ण आणि त्यांच्या नातेवाईकांनी डॉ. जगदीश कुलकर्णी यांची भेट घेतली आणि दोन्ही शस्त्रक्रिया करणं कितपत व्यवहार्य आहे, याबद्दल विचारणा केली. याबाबत तपशीलावर चर्चा केल्यानंतर डॉ. कुलकर्णी यांनी रुग्णाचे डावीकडील संपूर्ण मूत्रपिंड आणि गर्भाशय कमीतकमी छेद देऊन रोबोटिक शस्त्रक्रियेच्या तंत्राने काढण्याची तयारी दर्शवली. त्याचप्रमाणे या शस्त्रक्रियेच्या सकारात्मक आणि नकारात्मक बाजूंची माहिती रुग्णांच्या नातेवाईकांना दिली. अखेर कुटुंबियांनीही अशा पद्धतीने शस्त्रक्रिया करून घेण्याचा निर्णय घेतला आणि एका आठवड्यात रुग्ण पूर्ण बरी झाली.
याविषयी एशियन कॅन्सर इन्स्टिट्यूटमधील मिनिमल इन्व्हेजिव आणि रोबोटिक सर्जरी विभागाचे संचालक डॉ. जगदीश कुलकर्णी म्हणाले, 'रोबो असिस्टेड शस्त्रक्रियेचा वापर करून आम्ही मूत्रपिंडाचा ऐवज एकत्र केला आणि रुग्णाचे गर्भाशय काढणंही भाग होते, त्यामुळे गर्भाशयासह हा ऐवजही काढला. ही पद्धत वापरल्यामुळे रुग्ण यातून लवकर बरा होतो. पारंपरिक शस्त्रक्रियेच्या तुलनेत अधिक चांगले शारीरिक सौंदर्य राखले जाणे, कमी वेदना, कमी रक्तस्राव होतो.'