कोरोनाच्या तिसऱ्या लाटेत लहान मुलांना (Children) अधिक धोका असल्याचं म्हटलं जात आहे. काही तज्ज्ञ लहान मुलांना कोरोना झाल्यास घाबरू नये असा सल्ला देत आहेत. गैरसमज पसरू नयेत म्हणून सरकारनं गाइडलाइन जारी केल्या आहेत. त्यानुसार, लहान मुलांमध्ये कोरोना कसा ओळखता येईल आणि काळजी कशी घ्यावी हे सांगण्यात आलं आहे.

याशिवाय लहान मुलांमध्ये आधळणारा मल्टी सिस्टम इंफ्लेमेटरी सिंड्रोम काय? आहे यासोबतच लहान मुलांमध्ये कोणती लक्षणं असू शकतात? त्यांच्यावर उपचार कसे करावेत? केव्हा रुग्णालयात दाखल करावं? याबद्दलच जाणून घेऊयात.

मल्टी सिस्टम इंफ्लेमेटरी सिंड्रोम काय?

शरीरात वेग-वेगळ्या अवयांमध्ये अर्थात हार्ट, किडनी, लंग्स, डोळे, त्वचा, ब्रेन इत्यादींमध्ये इंफेक्शन होत आहे. त्यालाच मल्टी सिस्टम इंफ्लेमेटरी सिंड्रोम म्हटले जात आहे. यावर अजुनही संशोधन सुरू आहेत. त्यामुळे, याला अद्याप आजार घोषित करण्यात आलेले नाही.

कसा होतो मल्टी सिस्टम इंफ्लेमेटरी सिंड्रोम?

अद्याप यासंदर्भात मुबलक आकडेवारी किंवा माहिती उपलब्ध नाही. तरीही ज्यांना याची लागण झाली ते लहानगे कोरोना संक्रमित झालेले होते किंवा कोरोना संक्रमितांच्या संपर्कात आले होते.

गाईडलाईन्समधील ‘हे’ आहेत ४ टप्पे

१) अशी मुले ज्यांना कोरोनाची लक्षणे नाहीत

२) कोरोनाची हलकी लक्षणं असलेली मुलं

• ताप
• खोकला
• श्वास घेण्यात अडथळे
• थकवा
• अंगदुखी
• सर्दी
• घशात खव-खव
• अपचन
• स्वाद आणि वास न येणं

३) मध्यम लक्षणं असलेली मुलं

• पोट आणि आतड्यांसंबंधित विकार
• परिस्थिती बिघडल्यास त्यांना गंभीर लक्षणांत सुद्धा समाविष्ट करता येऊ शकते

४) गंभीर लक्षणं असलेली मुलं

• काही मुलांमध्ये मल्टी सिस्टम इन्फलेमेटरी सिंड्रोम नावाची समस्या उद्भवते
• हा सिंड्रोम SARS-CoV-2 शी संबंधित आहे.
• १०० डिग्रीपेक्षा अधिक ताप

लक्षणं असलेल्या मुलांची अशी घ्या काळजी

• घरातच त्यांचे ऑक्सिजन लेव्हल ताप चेक करत रहा
• एक चार्ट तयार करा आणि ताप येण्याचं प्रमाण आणि वेळेची नोंद करा
• घशात खव-ख किंवा सर्दीसाठी कोमट पाण्याच्या गुळण्या करायला लावाव्या
• पोट बिघडल्यास शरीरात पाण्याची कमतरता होऊ शकते. अशात फळांचा रस आणि नारळ पाणी जास्तीत-जास्त द्या
• आपल्याच मर्जीनं अँटीबायोटिक देऊ नका.
• कोरोना चाचणी करण्याची आवश्यक्ता आहे का? हे डॉक्टरांच्या सल्ल्यानं ठरवा

मध्यम लक्षणे असलेल्या चिमुकल्यांची काळजी कशी घ्याल?

• मुलांना पचण्यास हलकं जेवण द्या
• तान्ह्या मुलांसाठी आईचे दूधच उत्तम राहील
• ताप आल्यास डॉक्टरांच्या सल्ल्यानं पॅरासिटामोल देऊ शकता
• बॅक्टेरिअल इंफेक्शन झाल्यास डॉक्टरांच्या सल्ल्यानं एमोक्सिलिन दिले जाऊ शकते
• डॉक्टरांच्या सल्ल्यानं अशा मुलांना जवळच्या रुग्णालयात दाखल करावं लागेल

गंभीर लक्षणे असल्यास उपचार कसे?

• छातीचा एक्स रे, कंप्लीट ब्लड काउंट, यकृत आणि मूत्रपिंडाची तपासणी करण्यास डॉक्टर सल्ला देतील
• यकृत आणि मूत्रपिंडात काही इन्फेक्शन असल्यास रेमडेसिविर पण दिले जाऊ शकते.
• वजनानुसार दिला जातो डोस
• हायड्रॉक्सीक्लोरोक्वीन, फेविपिरावीर, आयवरमेक्टिन यांची गरज नाही

हेही वाचा

COVID-19 Second Wave: मे मध्ये ० ते १८ वयोगटातील फक्त ०.०७% मुलांना कोरोनाचा संसर्ग

धूम्रपान, तंबाखूचं व्यसन असणाऱ्यांसाठी कोरोना अधिक धोकादायक?