'हर फिक्र को धुए मे उडाता चला गया..' हे गाणं सिनेमापुरतं ठीक आहे. पण, असंच सगळ्या चिंता सिगरेटच्या धुरात फुंकून टाकायाच्या विचारात असाल; तर सावध व्हा. कारण कोरोना विषाणूची साथ पसरत असताना स्मोकिंग म्हणजे धूम्रपान, कुठल्याही प्रकारच्या तंबाखूचं सेवन करणं तुमच्यासाठी आणि तुमच्या आसपासच्या प्रत्येकासाठी घातक ठरू शकतं.
आज आपण जाणून घेऊयात की स्मोकिंग केल्यानं नेमकं काय होतं? आणि त्यात कोरोना विषाणूचा संसर्ग झाला, तर ते अधिक धोकादायक का आहे?
१) कोरोनाव्हायरस सारखे विषाणू प्रामुख्यानं माणसाच्या श्वसनसंस्थेवर हल्ला करतात. विषाणूच्या संसर्गामुळे रुग्णांच्या श्वसनमार्गाला सूज येते. गंभीर स्वरुपाचा संसर्ग असेल न्यूमोनिया होतो, म्हणजे फुफ्फुसांतल्या हवेसाठीच्या पोकळ्यांमध्ये द्रवपदार्थ साठू लागतो. त्यामुळं श्वास घेण्यात अडथळा येतो आणि शरीराला ऑक्सिजनचा पुरवठा कमी कमी होत जातो.
२) धूम्रपानाची सवय असेल, तर ही प्रक्रिया तीव्रतेनं किंवा वेगानं होण्याची भीती वाढते. त्यामुळं कोरोनाविषाणूचा धोका टाळण्यासाठी सिगरेट ओढण्याचं प्रमाण कमी करणं गरजेचं आहे.
३) धूम्रपान करणाऱ्या व्यक्तींना श्वसनाचे आजार होण्याची शक्यता जास्त असते.
४) धूम्रपान न करणाऱ्या व्यक्तींच्या तुलनेत धूम्रपान करणाऱ्या व्यक्तींना न्यूमोनिया होण्याची शक्यता दुप्पट असते.
५) रोगप्रतिकारक क्षमता हीच सध्या आपली आजाराविरूद्धची ढाल आहे. पण सिगरेट आणि तंबाखूमुळं रोगांचा प्रतिकार करण्याची शरीराची क्षमता कमी होते.
१) धूम्रपान करणाऱ्यांना कोरोना संसर्ग झाल्यानंतर रुग्णालयात दाखल करण्याची गरज इतर रुग्णांपेक्षा दुप्पट असते.
२) पुण्यातील ४८ टक्के पुरुषांना, तर ५३ टक्के महिलांच्या फुफ्फुसांची कार्यक्षमता बिघडल्यानं त्यांना करोनाच्या संसर्गाचा धोका असल्याचं एका अभ्यासातून समोर आलं आहे. 'इंड्स हेल्थ प्लस'नं २०१८ ते २०२१ दरम्यान यावर संशोधन केलं.
३) याद्वारे राज्यातील २९ हजार ५४८ व्यक्तींचे सर्वेक्षण करण्यात आलं. त्यामध्ये पुण्यातील ४ हजार १२४ व्यक्तींचा समावेश आहे.
४) पुण्यात ४८ टक्के, तर महिलांमध्ये ५३ टक्के फुफ्फुसाची कार्यक्षमता खराब झाल्याचं अहवालात अधोरेखित करण्यात आलं आहे. त्यामुळे त्यांना कोरोना होण्याचा धोका अधिक असल्याचं स्पष्ट करण्यात आलं आहे.
हेही वाचा
Share
Tweet
