कोरोना व्हायरसच्या प्रादुर्भावाला आळा घालण्यासाठी महापालिकेनं अनेक उपक्रम हाती घेतले आहेत. तसंच, कोरोनाबाधित व इतर रुग्णांना योग्य उपचार मिळावे यासाठी महापालिकेनं उपचार व्यवस्थेतही वाढ केली आहे. अशातच आता बीकेसीच्या कोविड सेंटरमध्ये कोरोनाला रोखण्यासाठीची अनोखी सुविधा उपलब्ध करून देण्यात आली आहे. 'सीटी इन ए बॉक्स' देण्यात येत असून, ही सुविधा महानगरपालिकेकडे हस्तांतरित करण्यात आली आहे.
कोरोनाविरुद्ध लढा देण्यासाठी मुंबई महानगर प्रदेश विकास प्राधिकरणानं (एमएमआरडीए) वांद्रे-कुर्ला संकुल (बीकेसी) येथील मैदानावर सर्वात मोठे कोविड सेंटर स्थापन केले आहे. कोरोना रुग्णांचे निदान व व्यवस्थापन करण्यासाठी सीटी इन ए बॉक्स ही अनोखी सुविधा आहे. देशातील हे पहिलं मेड इन इंडिया सीटी मशीन आहे. ज्यात फुप्फुसाची तपासणी केवळ १६ सेकंदात होऊ शकते.
आणीबाणीच्या काळात पेशंट स्कॅन मोड सुविधा आहे. या संयुक्त सीएसआर प्रयत्नास काही स्वयंसेवी संस्थांनी सहकार्य केलं आहे. 'आपले प्रयत्न अधिक बळकट होतील. ही सुविधा सामाजिक अंतराची आवश्यकता लक्षात घेऊन सुरक्षित, वेगळ्या वातावरणामध्ये कोरोना रुग्णांना उत्कृष्ट निदान सुविधांची उपलब्धता करण्यास मदत करते', असं नगरविकास व सार्वजनिक बांधकाम मंत्री एकनाथ शिंदे यांनी म्हटलं.
सीटी इन अ बॉक्स
Share
Tweet
