मुंबई महापालिकेचा २०२२ - २३ वर्षाचा अर्थसंकल्प गुरुवारी दि. ३ फेब्रुवारी रोजी सादर केला जाणार आहे. यंदा मुंबई महापालिकेचा २०२२-२३ वर्षाचा अर्थसंकल्प किती कोटींचा असून, यामधून मुंबईकरांना काय मिळणार हे पाहणं महत्वाचं ठरणार आहे.
महापालिकेच्या कार्यालयाला भेट न देता आता मुंबईकरांना महापालिकेच्या सेवा सुविधांची माहिती घरबसल्या Whatsapp वर मिळणार आहे. त्यासाठी महापालिकेने Whatsapp Chatbotची सुविधा उपलब्ध करून दिली आहे. दुकानाच्या परवान्यासाठी अर्ज करणं, करपरतावा अशा विविध सुविधा आता नागरिकांना Whatsapp वर उपलब्ध होतील.
या वर्षापासून नागरिकांसाठी ‘क्वालिटी ऑफ लिव्हिंग’ सोबतच ‘इज ऑफ लिव्हिंग’वर भर देणार आहे. या अंतर्गत रस्ते विभाग आणि पूल विभाग सिमेंट काँक्रीटचे रस्ते आणि नवीन पुलांमुळे शहरातील प्रवास अधिक सुलक्ष होईल. स्त्रिया आणि लहान मुलांसह नागरिकांना सुरक्षितता देण्यासाठी अधिक संख्येने आवश्यक असलेल्या ठिकाणी पथदिवे बसवून रस्त्यांवरील सुरक्षिततेची सुलभता सुधारली जाईल. बृहन्मुंबई महानगरपालिकेने अर्बन स्पेस डिझायनर्सच्या पॅनेलमेंटची प्रक्रिया सुरू केली आहे ज्याद्वारे चालताना सुलभता वाढवण्यासाठी रस्ते, फूटपाथ आणि सामुदायिक जागांवर अभ्यास करून सजावट व नूतनीकरण करण्यात येईल.
२०२१-२२ या आर्थिक वर्षामध्ये मालमत्ता करापोटी मिळणारे अंदाजित उत्पन्न हे ७००० कोटी रुपयांवरुन ४८०० कोटी इतके सुधारीत करण्यात आले आहे. यामध्ये २,२०० कोटींची तूट नोंदवण्यात आली आहे. माहिती व तंत्रज्ञान खात्याच्या भांडवली खर्चासाठी सन २०२१-२२ च्या सुधारित अंदाजामध्ये ७३.६७ कोटी रुपये आणि सन २०२२-२३ च्या अर्थसंकल्पीय अंदाजामध्ये ७८.७६ कोटी इतकी तरतूद प्रस्ताविण्यात आली आहे.
२०२१-२२ या आर्थिक वर्षाचे महसूली उत्पन्नाचे अर्थसंकल्पीय अंदाज २७८११.५७ कोटी रुपयांवरुन ३७५३८.४१ कोटी असे सुधारीत करण्यात आले असून त्यामध्ये ९७२६.८४ कोटी रुपयांची वाढ झाली आहे. दिनांक ३१ जानेवारी २०२२ पर्यंत ३०८५१.१८ कोटी इतके प्रत्यक्ष उत्पन्न प्राप्त झाले आहे. सन २०२२-२३ या आर्थिक वर्षाकरीता अंदाजित महसूली उत्पन्न ३०७४३.६१ कोटी रुपये एवढे प्रस्ताविले असून ते सन २०२१-२२ च्या अर्थसंकल्पीय अंदाजाच्या तुलनेत २९३२.०४ कोटी रुपयांनी जास्त आहे.
Presentation of Budget Estimates For The Financial Year 2022-2023 https://t.co/xG0bzcb001
— माझी Mumbai, आपली BMC (@mybmc) February 3, 2022
बृहन्मुंबई महानगरपालिकेने २०२१-२२ या शैक्षणिक वर्षात नर्सरी ते ६ वी पर्यंतच्या सीबीएसई बोर्ड अभ्यासक्रमाच्या १० शाळा सुरू केल्या आहेत. सध्या, इतर बोर्डांच्या १२ शाळा असून त्यात सीबीएसई बोर्ड अभ्यासक्रमाच्या ११ व आयसीएसई अभ्यासक्रमाच्या एका शाळेचा समावेश आहे.#BMCBudget2022_23
— माझी Mumbai, आपली BMC (@mybmc) February 3, 2022
बृहन्मुंबई महानगरपालिकेद्वारे प्रदान केलेल्या शैक्षणिक सुविधा:
— माझी Mumbai, आपली BMC (@mybmc) February 3, 2022
मराठी, हिंदी, गुजराती, उर्दू, इंग्रजी, तेलुगु, तमिळ आणि कन्नड या ८ माध्यमांच्या ९६४ प्राथमिक शाळांमधील २,४२,८९९ विद्यार्थ्यांना ६८३१ शिक्षकांद्वारे मोफत शिक्षण दिले जात आहे.#MyBMCBudget2022_23
विद्यार्थ्यांना त्यांचे प्राथमिक शिक्षणानंतर पुढील शिक्षण सुरू ठेवता यावे यासाठी विद्यमान उच्च प्राथमिक शाळांचा इयत्ता १० वी पर्यंत विस्तार करण्याच्या निर्णयानुसार २०२१-२२ मध्ये २४ माध्यमिक शाळा सुरू करण्यात आल्या आहेत.#BMCBUDGET2022_23
— माझी Mumbai, आपली BMC (@mybmc) February 3, 2022
BMC धोरणानुसार, शैक्षणिक वर्ष 2022-23 साठी ऑनलाइन प्रवेश प्रक्रिया 4 जानेवारी 2022 ते 4 फेब्रुवारी 2022 या कालावधीत सर्व नर्सरी वर्ग आणि K.G ते इयत्ता 8 वी च्या 11 CBSE आणि ICSE शाळांच्या रिक्त जागांसाठी सुरू करण्यात आली आहे.
Share
Tweet
