शिवसेना ठाकरे गटातील तीन माजी नगरसेवकांनी एकनाथ शिंदे यांच्या शिवसेनेत जाहीर प्रवेश केला आहे.

राज्यात गेल्या काही महिन्यांपासून मोठ्या प्रमाणावर राजकीय घडामोडी घडताना दिसत आहेत. एकनाथ शिंदे यांनी केलेल्या बंडानंतर उद्धव ठाकरे यांच्या शिवसेनेला लागलेली गळती काही केल्या कमी होताना दिसत नाही.  

आतापर्यंत ३३ माजी नगरसेवकांनी शिंदे गटात जाहीररित्या प्रवेश केला आहे आणि येणाऱ्या काळात आणखी काही माजी नगरसेवकांना गळाला लावण्याचा शिंगे गटाचा प्रयत्न असल्याचं सगळीकडे बोलले जातं आहे.

उद्धव बाळासाहेब ठाकरे ( शिवसेना )गटाच्या तीन माजी नगरसेवकांनी मुख्यमंत्री एकनाथ शिंदे यांच्या उपस्थितीत वर्षा बंगल्यावर शिवसेनेत जाहीर प्रवेश केल्यामुळे सगळीकडे खळबळ उडाली आहे . यामध्ये जोगेश्वरीतील प्रभाग क्रमांक ७३चे माजी नगरसेवक प्रवीण शिंदे, वर्सोवा विधानसभा क्षेत्रातील माजी नगरसेविका प्रतिमा खोपडे आणि प्रभाग क्रमांक ८८च्या माजी नगरसेविका स्नेहल शिंदे यांचा समावेश आहे.

उद्धव बाळासाहेब ठाकरे गटाच्या तीन माजी नगरसेवकांनी आज #शिवसेना पक्षात जाहीर प्रवेश केला. याप्रसंगी त्यांचे तसेच त्यांच्यासोबत पक्षात प्रवेश घेतलेल्या सर्व पदाधिकाऱ्यांचे पक्षात स्वागत करून त्यांना भावी सामाजिक आणि राजकीय वाटचालीसाठी शुभेच्छा दिल्या.

आज पक्षप्रवेश झालेल्यांमध्ये… pic.twitter.com/HAaCtWLoCv

— Eknath Shinde - एकनाथ शिंदे (@mieknathshinde) September 26, 2023

जोगेश्वरी, वर्सोवा आणि विलेपार्ले या विभागातील १००हून अधिक पदाधिकाऱ्यांनीही शिंदे गटांत प्रवेश केला होता. या सर्वांचे मुख्यमंत्री एकनाथ शिंदे यांनी पक्षात जोरदार स्वागत करत त्यांना त्यांच्या भावी वाटचालीसाठी शुभेच्छा देखील दिल्या होत्या.

भाजप-शिवसेना सत्तेत आल्यापासून मुंबईत आणि अनेक ठिकाणी विकासकामे वेगाने सुरू झाली आहेत . त्यामुळे आता मुंबईला खऱ्या अर्थाने आंतरराष्ट्रीय शहर बनवण्याचा प्रयत्न सुरू झाला आहे. असं मुख्यमंत्री एकनाथ शिंदे यांनी सांगितलं होतं.

हेही वाचा

पदवीधर आणि शिक्षक मतदारसंघासाठी मतदार नोंदणी कार्यक्रम जाहीर

टोलवरून मनसे पुन्हा एकदा आक्रमक