कल्याण लोकसभा मतदारसंघातून 2024 च्या लोकसभा निवडणुकीत वैषाली दरेकर-राणे यांनी श्रीकांत शिंदे यांच्या विरोधात निवडणूक लढवली होती. आता त्यांनी शिवसेना (उद्धव बाळासाहेब ठाकरे) पक्षाच्या कल्याण लोकसभा जिल्हा महिला संघटक पदाचा राजीनामा दिला आहे.

पक्षप्रमुख उद्धव ठाकरे यांना पाठवलेल्या राजीनामा पत्रात वैषाली दरेकर-राणे यांनी वैयक्तिक कारणांमुळे संघटनात्मक जबाबदारीतून पायउतार होत असल्याचे म्हटले आहे. वाढत्या वैयक्तिक जबाबदाऱ्यांमुळे पक्षाच्या कामाला पुरेसा वेळ देणे शक्य होत नसल्याने आपला राजीनामा स्वीकारावा, अशी विनंती त्यांनी केली आहे.

2024 च्या लोकसभा निवडणुकीनंतर कल्याणमध्ये ठाकरे गटाचा प्रमुख चेहरा म्हणून वैषाली दरेकर-राणे यांची ओळख निर्माण झाली होती. मात्र, त्यांनी केवळ संघटनात्मक पदाचा राजीनामा दिला असून पक्षाच्या प्राथमिक सदस्यत्वाचा राजीनामा दिलेला नाही. तसेच, इतर कोणत्याही पक्षात प्रवेश करण्याबाबतही त्यांनी कोणतीही घोषणा केलेली नाही.

महाराष्ट्रात शिवसेना (उद्धव बाळासाहेब ठाकरे) पक्षात विविध स्तरांवर संघटनात्मक बदल सुरू असताना, कल्याणमधील हा राजीनामा पक्षासाठी महत्त्वाची घडामोड मानली जात आहे.

हेही वाचा

पुरेसा पाणीसाठा असताना राज्यात 17 जिल्ह्यांत टँकरने पाणीपुरवठा