गेल्या आठवडाभरापासून बेस्ट कर्मचाऱ्यांनी विविध प्रलंबित मागण्यांसाठी पुकारलेल्या संपामुळं लाखो मुंबईकरांचे प्रचंड हाल होत आहेत. हा संप मिटावा यासाठी अनेक बैठका व चर्चांचे आयोजन करण्यात आलं, मात्र यावर कोणताही तोडगा न निघाल्यानं अद्याप संप सुरूच आहे. दरम्यान बेस्टच्या संपाबाबत मनसेसह काँग्रेस, राष्ट्रवादी काँग्रेस, स्वाभिमान अशा विविध राजकीय पक्षांनी प्रशासनाला धारेवर धरलं आहे. त्यामुळे संपावरून राजकारण चांगलंच पेटलं आहे. संपाचं श्रेय लाटण्यासाठी राजकारण्यांमध्ये चढाओढ सुरू असल्याचं चित्र सोशल मीडियावर पाहायला मिळतं. विविध राजकारण्यांनी सोशल मीडियाच्या माध्यमातून प्रशासनावर टिकास्त्र सोडलं आहे.
संदीप देशपांडे -
आज बेस्ट संपाचा सातवा दिवस अजूनही संप मिटवण्या साठी सरकार कडून हालचाल नाही ह्या सरकारच नाक दाबल्या शिवाय तोंड उघडणार नाही उद्या पासून नाक दाबायला सुरवात करणार सर्व महाराष्ट्र सैनिकांना विनंती त्यांनी तयार राहावे
— Sandeep Deshpande (@SandeepDadarMNS) January 13, 2019
पृथ्वीराज चव्हाण -
मुंबई बेस्ट संपाचा आज ७ वा दिवस. शिवसेना-भाजपमधील कुरघोडीच्या राजकारणात २५-३० लाख सामान्य मुंबईकर नाहक भरडले जात आहेत. मुख्यमंत्री @Dev_Fadnavis मात्र पालिका प्रशासनावर आणि न्यायालयावर जबाबदारी ढकलून नामानिराळे राहण्याचा प्रयत्न करत आहेत हे दुर्दैवी आहे. #BESTStrike
— Prithviraj Chavan (@prithvrj) January 14, 2019
नितेश राणे -
Inse humari BEST ko bachao!! pic.twitter.com/8eOmBRzno8
— nitesh rane (@NiteshNRane) January 13, 2019
धनंजय मुंडे -
मुंबईची मानबिंदू, जगातली सर्वोत्तम सार्वजनिक परिवहन सेवा समजल्या जाणाऱ्या बेस्टच्या इतिहासात पहिल्यांदाच संप ७ दिवसांपर्यंत लांबला. मुंबईकरांचे हाल होत आहेत. राज्यकर्त्या सेना-भाजपाचा मात्र पटका पटकीचा खेळ सुरू आहे. मुंबईकरांचे यांना काहीच घेणेदेणे नाही हे पुन्हा सिद्ध झाले. pic.twitter.com/n235rwPCxb
— Dhananjay Munde (@dhananjay_munde) January 14, 2019
उद्धव ठाकरेंनी आधी स्वतःच्या ताब्यातील बेस्ट व्यवस्थित चालवून दाखवावी मग राज्याबाबत गप्पा माराव्यात. आधी गिरणी कामगारांचं वाटोळं केलंत आता बेस्टच्या कर्मचाऱ्यांना देशोधडीला लावण्याचे पाप करू नका! #BESTStrike@uddhavthackeray @AUThackeray @ShivSena pic.twitter.com/MjUOAh6nYB
— Dhananjay Munde (@dhananjay_munde) January 14, 2019