मध्य रेल्वेच्या दिवा आणि मुंब्रा (mumbra) स्थानकांदरम्यान झालेल्या भीषण अपघातात (rail accident) पाच प्रवाशांचा मृत्यू झाला. सोमवारी सकाळी हायस्पीड लोकल गाड्या एकमेकांच्या अगदी जवळून जात असताना ही दुर्घटना घडली.
या अपघातामुळे पुन्हा एकदा मुंबईकरांच्या (mumbai) सुरक्षेबाबत गंभीर प्रश्न उपस्थित झाले आहेत. आता या प्रकरणावर राजकीय वर्तुळात प्रतिक्रिया येऊ लागल्या आहेत आणि मनसे प्रमुख राज ठाकरे यांनी संतप्त प्रतिक्रिया व्यक्त केल्या आहेत.
या अपघातावर संताप व्यक्त करताना राज ठाकरे (raj thackeray) म्हणाले, "या देशात माणसांची किंमत उरली नाही, रेल्वेमंत्र्यांच्या राजीनाम्याची मागणी निरर्थक आहे, त्याऐवजी त्यांनी स्वतः तिथे जाऊन परिस्थितीची पाहणी करावी.
मला ट्रेनने प्रवास करण्याचा अनुभव आहे, पूर्वी गर्दी कमी होती, पण आज ती अनियंत्रित झाली आहे, ज्या ठिकाणी अपघात झाला तो भाग नवीन नाही, तो परिसर नेहमीच धोकादायक राहिला आहे. तरीही उपाययोजना शून्य आहेत."
मनसेप्रमुख (mns) राज ठाकरे यांनी केवळ रेल्वेमध्येच नव्हे तर संपूर्ण मुंबई शहरात असलेल्या अपुऱ्या सुविधांकडे लक्ष वेधले. "मुंबईत (mumbai) चांगले रस्ते नाहीत, पार्किंगची सुविधा नाही, आग लागली तर अग्निशमन दल पोहोचू शकत नाही आणि वाढत्या लोकसंख्येमुळे कोण कुठून येत आहे याचा मागोवा ठेवणे आता शक्य नाही." असं ते स्पष्टपणे म्हणाले.
"मोनोरेल आहेत, मेट्रो आहेत, पण त्यांचा वापर कोण आणि कसा करतो याकडे कोणीही लक्ष देत नाही. मुंबई आणि इतर मेट्रो शहरांमध्ये उंच इमारती उभ्या राहत आहेत, परंतु पायाभूत सुविधा अस्थिर आहेत. शहर म्हणून ही परिस्थिती लज्जास्पद आहे."
हेही वाचा
Share
Tweet
