Advertisement

टायरन परेरा, विक्रांत निनावेची उपांत्यपूर्व फेरीत धडक


टायरन परेरा, विक्रांत निनावेची उपांत्यपूर्व फेरीत धडक
SHARES

टायरन परेरा अाणि विक्रांत निनावे या दोन अव्वल मानांकित खेळाडूंनी सीसीअाय-ग्रेटर मुंबई जिल्हा बॅडमिंटन अजिंक्यपद २०१८ स्पर्धेत दमदार कामगिरी करत उपांत्यपूर्व फेरी गाठली. क्रिकेट क्लब अाॅफ इंडिया (सीसीअाय) येथे सुरू असलेल्या या स्पर्धेत अव्वल मानांकित टायरननं वेदांत श्रीवास्तव याला १५-१०, १५-१० असं पराभूत केलं. दुसऱ्या मानांकित विक्रांतनं क्रिश ठाकूर याचं अाव्हान १५-१२, १५-१३ असं परतवून लावलं.



टायरनसमोर पराभवाचं संकट

दरम्यान, टायरनसमोर पहिल्याच फेरीत पराभवाचं संकट उभं राहिलं होतं. मात्र अायनूर खान याला १३-१५, १५-७, १५-९ अशी पराभवाची धूळ चारत टायरननं विजयी अागेकूच कायम राखली. अटीतटीच्या रंगलेल्या अन्य सामन्यात वेदांत श्रीवास्तवनं ज्युलियन कोर्डाला १५-१३, ७-१५, १५-८ असं हरवलं. दियान जैन यानं झुंजार वृत्तीचं प्रदर्शन करत अादित्य चौधरी याच्यावर १५-६, १४-१५, १५-१३ असा विजय मिळवून दुसऱ्या फेरीत मजल मारली.


मुलींमध्ये तारिणी, नायशाचे विजय

मुलींच्या १३ वर्षांखालील गटातील दुसऱ्या फेरीच्या सामन्यात, अव्वल मानांकित तारिणी सुरी हिनं अार्या मुजुमदार हिचा १५-१, १५-१ असा सहज पराभव केला. दुसऱ्या मानांकित नायशा बाटोयो हिने अनन्या शाह हिचे अाव्हान १५-२, १५-१ असे सहज परतवून लावले.

Read this story in English
संबंधित विषय
POLL

मुंबई इंडियन्स दिल्ली कॅपिटल्सला हरवून सलग तिसरा विजय नोंदवणार का? काय वाटते? प्रतिक्रिया नोंदवा.
Submitting, please wait ...
Advertisement
‘मुंबई लाइव्ह’च्या ताज्या बातम्यांसाठी सब्स्क्राईब करा